3498

ཁང་པའི་དགེ་འདུན་ལྷག་མ་ (1)

Part of speech	མིང་ཚིག
Definition	མདོ། འདུལ་བ། ལྷག་མ་བཅུ་གསུམ་གྱི་ནང་གསེས་ཤིག་སྟེ། གླེང་གཞི་ནི་མཉན་ཡོད་དུ་དགེ་སློང་རབ་ཏུ་མང་པོས་ཁང་པ་བརྩིགས་པ་ལས་དགེ་འདུན་ལྷག་མར་བཅས་སོ། །དགག་བྱ་ནི་འདོད་པ་ཆེས་པ་དང་། སྲོག་ཆགས་ལ་གནོད་པ་དང་། རྩོད་པ་རྒྱས་པ་དང་། དོན་དང་བྱ་བ་མང་བའོ། །ངོ་ཏི་ནི་བཅས་ལྡན་དགེ་སློང་གིས་ས་གཞི་དང་ཡོ་བྱད་བཙལ་བས་ས་གཞི་མ་དག་པར་དཀོན་མཆོག་ལས་གཞན་པའི་ཆེད་དུ་མངོན་གྱུར་གྱི་བདག་པོ་གཅིག་གི་དོན་དུ་ཁང་པ་ཚད་ལས་ལྷག་པར་བརྩིགས་པ་ལས་གྱུར་པའི་ལྟུང་བ་དངོས་གཞིའོ། །ཞེས་ཀུན་མཁྱེན་མཚོ་སྣ་བའི་མདོ་རྩའི་རྣམ་བཤད་ཉི་མའི་འོད་ཟེར་ལས་སོ། ། འདི་ལ་བཞི་ལས། གཞི་ལ་ས་གཞི་དང་ཡོ་བྱད་བཙལ་བའམ། དེས་གནང་བ། གཞི་མ་དག་པ་དང། མ་བསྟན་པའོ། །དེ་ལ་མ་དག་པ་ནི་གཞི་མི་རུང་བ་དང། རྩོད་པ་དང་བཅས་པ་དང། བརྩམ་དུ་མི་རུང་བ་གསུམ་ལས། དང་པོ་ནི། སྡིག་སྦྲུལ་སོགས་ཀྱི་གནས་དང། གཉིས་པ་ནི་རྒྱལ་པོ་སོགས་ཀྱིས་བདག་ཏུ་བཟུང་བ་དང། གསུམ་པ་ནི་ཕྱི་རོལ་འདོམ་གང་ཚུད་ཆད་དུ་ཆུ་ཀླུང་སོགས་དང་འདོམས་པའོ། །གང་བརྩིག་པར་བྱ་བ་ནི་གཅིག་གི་ཆེད་ཡིན་པ་ཁང་པའི་ནང་སྲིད་དུ་ཁྲུ་བཅོ་བརྒྱད་དང། ཞེང་དུ་ཁྲུ་ཕྱེད་དང་བཅུ་གཅིག་གི་ཚད་ལས་ལྷག་པ། སྤྱོད་ལམ་བཞི་ཤོང་བ། སྔར་གཞན་གྱིས་བརྩམས་པ་མ་ཡིན་པའོ། །ཀུན་སློང་རྩིག་འདོད་རྒྱུན་མ་ཆད་པའོ། །སྦྱོར་རང་ངམ་བསྐོས་པས་རྩིག་པར་ཞུགས་པའོ། །མཐར་ཐུག་སྐོར་བ་དང་བཀབ་ཟིན་པའོ། །ཞེས་ཀུན་མཁྱེན་གོ་རམས་པའི་འདུལ་བའི་སྤྱི་དོན་ལས་སོ། །བཅས་ལྡན་དགེ་སློང་གིས་གཞི་མ་དག་པར་རང་དོན་དུ་ཚད་ལྷག་གི་ཁང་པ་བརྩིགས་པའི་བཅས་པའི་ཁ་ན་མ་ཐོ་བ་དང་། གཅིག་གི་དོན་དུའོ། །ཚད་ལས་ལྷག་པའོ། །ཞེས་པཎ་ཆེན་ངག་ཆོས་ཀྱི་འདུལ་བའི་སྤྱི་དོན་ཐུབ་བསྟན་ཉིན་བྱེད་ལས་སོ། །
Domain	ཆོས་ལུགས།