35761

པོ་ཏ་ལའི་མདུན་གྱི་རྡོ་རིང་ཕྱི་ནང་གཉིས་ (1)

Part of speech	མིང་ཚིག
Definition	༡ རྡོ་རིང་ཕྱི་མ་ནི། རྡོ་རིང་དེ་ནི་ལྷ་སའི་རྩེ་པོ་ཏ་ལའི་མདུན་དུ་བཙུགས་ཤིང་། ད་དུང་རྩེ་པོ་ཏ་ལའི་རྡོ་སྐས་ཀྱི་གཤམ་དུ་རྡོ་རིང་གཞན་ཞིག་སྟེ་རྡོ་རིང་ནང་མར་ལྟོས་ནས་མིང་དེ་ལྟར་ཆགས། རྡོ་རིང་དེའི་རྩེ་མོར་རྡོའི་ཆར་ཁེབས་ཏོག་བཅས་ཡོད་ལ་ངོས་གསུམ་ལ་བོད་ཡིག་བཀོད་ཡོད་པ་ལས་བྱང་ངོས་སྟོང་པ་ཡིན། རྡོ་རིང་དེ་ནི་བོད་དུ་ད་བར་མཐོང་བའི་རྡོ་རིང་ནང་གི་སྔ་ཤོས་ཡིན་ཞིང་བོད་ཀྱི་བཙན་པོ་ཁྲི་སྲོང་ལྡེ་བཙན་གྱིས་རང་ཉིད་ཀྱི་ནང་བློན་ཆེན་པོ་སྟག་སྒྲ་ཀླུ་ཁོང་གི་བྱས་རྗེས་ལ་གཟེངས་བསྟོད་དང་ང་ཞལ་བཞེས་བཀའ་གཙིགས་ནང་དོན་རྡོ་རིང་ཐོག་བཀོད་པ་ཞིག་ཡིན། རྡོ་རིང་གི་ནང་དོན་ལ་བརྟགས་ན་བོད་ཀྱིས་ཐང་རྒྱལ་རབས་ཀྱི་རྒྱལ་ས་ཁྲང་ཨན་བླངས་པའི་ལོ་སྟེ། ཕྱི་ལོ ༧༦༣ ལོའི་མཇུག་ཙམ་ལ་བཙུགས་པར་མངོན། ༢ རྡོ་རིང་ནང་མ། སྡེ་སྲིད་སངས་རྒྱས་རྒྱ་མཚོས་པོ་ཏ་ལའི་ཕོ་བྲང་དམར་པོ་འཛུགས་སྐྲུན་བྱས་ནས་ཡོངས་རྫོགས་གྲུབ་པའི་དྲན་གསོའི་ཆེད་དུ་པོ་ཏ་ལའི་མདུན་གྱི་རི་ལྡེབས་སུ་བཞེངས་པའི་རྡོ་རིང་ཞིག་སྟེ། འདིའི་ངོས་སུ་ཡི་གེ་གང་ཡང་མེད།
Domain	ལོ་རྒྱུས།