3642

ཁམས་གསུམ་གྱི་དབང་པོ་ (1)

Part of speech	མིང་ཚིག
Definition	མདོ། མངོན་པ། དབང་བོ་ཉེར་གཉིས་སུ་ཁམས་གསུམ་དུ་ཡོད་པ་བརྒྱད་དང་། འདོད་གཟུགས་གཉིས་སུ་ཡོད་པ་བཅོ་ལྔ། འདོད་པར་ཡོད་པ་བཅུ་དགུ་བོ་རྣམས་ལ་ཁམས་གསུམ་གྱི་དབང་བོ་ཟེར་རོ། །དབང་པོ་དེ་དག་ལས་དྲི་མ་མེད་པའི་དབང་པོ་གསུམ་མ་གཏོགས་པ་དབང་པོ་བཅུ་དགུ་ནི་འདོད་པར་གཏོགས་པ་སྟེ་འདོད་པའི་ས་པ་ཡང་ཡོད་དོ། །བཅུ་དགུ་པོ་དེ་དག་ལས་ཕོ་མོའི་དབང་པོ་དང། སྡུག་བསྔལ་དག་སྟེ་ཡིད་མི་བདེ་དང་སྡུག་བསྔལ་གྱི་དབང་པོ་དག་མ་གཏོགས་པ་དབང་པོ་བཅོ་ལྔ་ནི་གཟུགས་སུ་གཏོགས་པ་ཡིན་ཏེ། དེ་ན་འཁྲིག་པ་ལས་འདོད་ཆགས་དང་བྲལ་བའི་ཕྱིར་དང། མི་མཛེས་པར་བྱེད་པའི་ཕྱིར་ཕོ་མོའི་དབང་པོ་དག་མེད་ལ། མཉམ་གཞག་གི་ས་པ་ཡིན་པའི་ཕྱིར་སྡུག་བསྔལ་གྱི་དབང་པོ་དག་ཀྱང་མེད་དེ། ལུས་ཤིན་ཏུ་དང་བའི་ཕྱིར་བསྣུན་པ་ལ་སོགས་པ་འཕྲལ་གྱི་རྐྱེན་གྱིས་བསྐྱེད་པའི་སྡུག་བསྔལ་མེད་ཅིང་མི་དགེ་བ་མེད་པའི་ཕྱིར་རྣམ་པར་སྨིན་པའི་སྡུག་བསྔལ་ཡང་མེད་ལ། རྒྱུད་ཞི་གནས་ཀྱིས་བརླན་པའི་ཕྱིར་དང། ཀུན་ནས་མནར་སེམས་ཀྱི་གཞི་དགུ་མེད་པའི་ཕྱིར་ཡིད་མི་བདེའང་མེད་དོ། །བཅོ་ལྔ་པོ་དེ་དག་ལས་གཟུགས་ཅན་གྱི་དབང་པོ་མིག་ལ་སོགས་པ་རྣམས་དང་བདེ་བ་དང་ཡིད་བདེ་བའི་དབང་པོའང་མ་གཏོགས་པ་ལྷག་མ་བརྒྱད་ནི་གཟུགས་མེད་པར་གཏོགས་པ་སྟེ། གང་ཞེ་ན་ཡིད་དང་སྲོག་དང་བཏང་སྙོམས་དང་དད་སོགས་ལྔ་སྟེ་བརྒྱད་ཡིན་ནོ་ཞེས་བྱ་སྟེ། ཟག་མེད་ཀྱི་དབང་པོ་གསུམ་ནི་ཐམས་ཅད་དུའང་ཁམས་སུ་མ་གཏོགས་པར་ཤེས་པར་བྱའོ་ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།