3643

ཁམས་གསུམ་གྱི་སྤང་བྱ་ཕྲ་རྒྱས་ (1)

Part of speech	མིང་ཚིག
Definition	མདོ། མངོན་པ། བྱེ་སྨྲའི་ལུགས་ལ། འདོད་པ་ན་ཕྲ་རྒྱས་མཐོང་སྤང་ནི་སུམ་ཅུ་རྩ་གཉིས་སོ། །འདོད་ཆགས་དང་ཁོང་ཁྲོ་དང་ང་རྒྱལ་དང་མ་རིག་པ་བཞི་ནི་བསྒོམ་པས་སྤང་བར་བྱ་བའང་ཡིན་པས་སྤང་བྱ་རིས་ལྔར་འགྱུར་ཏེ། འདོད་ཆགས་ལ་སོགས་པ་བཞིའི་ལྷན་སྐྱེས་ནི་བདེན་པ་རྣམས་མཐོང་བ་ཙམ་གྱིས་མི་སྤོང་བའི་ཕྱིར་དང་། ཀུན་བརྟགས་ནི་སྤང་བའི་ཕྱིར་རྣམ་པ་གཉིས་ཀ་ཡིན་ན། ལྟ་བ་ལྔ་དང་ཐེ་ཚོམ་ནི་བདེན་པ་རྣམས་མཐོང་བ་ཙམ་གྱིས་སྤོང་བའི་ཕྱིར་མཐོང་སྤང་ཁོ་ན་ཡིན་ཏེ། དེ་ལྟར་ན་འདོད་པ་ན་སྤྱོད་པའི་ཕྲ་རྒྱས་ནི་སུམ་ཅུ་རྩ་དྲུག་ཡིན་ནོ། །གང་དག་འདོད་ཁམས་སུ་བཤད་པ་ལས་ཁོང་ཁྲོ་མ་གཏོགས་པའི་ཉོན་མོངས་པ་དེ་དག་ཉིད་གཟུགས་ཀྱི་ཁམས་ན་ཡོད་ཀྱི་ཁོང་ཁྲོ་ནི་མ་ཡིན་ཏེ། རྒྱུད་ཞི་གནས་ཀྱིས་བརླན་པས་ཀུན་ནས་མནར་སེམས་ཀྱི་དངོས་པོ་དགུ་མེད་པའི་ཕྱིར་རོ། །དེས་ན་གཟུགས་ན་ནི་མཐོང་སྤང་དང་སྒོམ་སྤང་གི་ཕྲ་རྒྱས་སུམ་ཅུ་རྩ་གཅིག་ཡོད་དེ། ཁོང་ཁྲོ་ལྔ་མ་གཏོགས་པའི་ཕྱིར་རོ། །གཟུགས་མེད་པའི་ཁམས་ནའང་གཟུགས་ཀྱི་ཁམས་དེ་དང་འདྲ་བར་སུམ་ཅུ་རྩ་གཅིག་ཡིན་པས་དེ་དག་དགུ་དང་དྲུག་དྲུག་བདུན། །ཁོང་ཁྲོ་ལྟ་བ་སུམ་གཉིས་དག ། མ་གཏོགས་གཟུགས་ན་སྡུག་བསྔལ་སོགས། །མཐོང་བས་རིམ་བཞིན་སྤོང་བར་བྱེད། །གསུམ་ནི་བསྒོམས་པས་སྤང་བྱ་ཡིན། །ཞེས་པ་དང་། གཟུགས་མེད་ལའང་སྦྱར་ཏེ་ཤེས་པར་བྱའོ། །དེ་ལྟར་ན་བྱེ་བྲག་ཏུ་སྨྲ་བ་ལྟར་ན་ཁམས་གསུམ་ན་མཐོང་སྤང་བརྒྱད་ཅུ་རྩ་བརྒྱད་དང་སྒོམ་སྤང་བཅུ་སྟེ་དགུ་བཅུ་རྩ་བརྒྱད་དུ་འདོད་ལ། དེ་དག་ཁམས་དང་ས་དང་རྣམ་པའི་སྒོ་ནས་ཕྱེ་ན་ཉིས་བརྒྱ་ལྔ་བཅུ་རྩ་གཉིས་སུ་འགྱུར་རོ། །
Domain	ཆོས་ལུགས།

{{#arraymap:ཁམས་གསུམ་གྱི་སྤང་བྱ་ཕྲ་རྒྱས་

|; |@@@ | | }}

ཁམས་གསུམ་གྱི་སྤང་བྱ་ཕྲ་རྒྱས་ (2)

Part of speech

མིང་ཚིག

Definition

མངོན་པ་གོང་མའི་ལུགས་ལ། ཆོས་མངོན་པ་བ་གཞན་དག་ནི་ཕུང་པོ་ལྔ་པ་ལས། ཉོན་མོངས་པ་དེ་དག་ལས་ལྟ་བ་འོག་མ་གསུམ་དང་ཐེ་ཚོམ་ནི་ཀུན་ཏུ་བརྟགས་པའོ། །ལྷག་མ་ནི་ལྷན་ཅིག་སྐྱེས་པ་དང་ཀུན་བརྟགས་པའོ། །ཞེས་འབྱུང་བས་འདོད་ཆགས་ལ་སོགས་པ་བཞི་དང་ལྟ་བ་དང་པོ་གཉིས་ཏེ་དྲུག་ནི་ལྷན་སྐྱེས་སྒོམ་སྤང་དང་ཀུན་བརྟགས་མཐོང་སྤང་ཡིན་པས་གཉིས་ཀ་དང་། ལྟ་བ་ཕྱི་མ་གསུམ་དང་ཐེ་ཚོམ་ནི་ཀུན་བརྟགས་ཁོ་ན་ཡིན་པའི་ཕྱིར་མཐོང་སྤང་ཉིད་དུ་ངེས་སོ། །ཉོན་མོངས་པ་བཅུ་པོ་དེ་དག་ཀྱང་སྡུག་བསྔལ་ལ་སོགས་པའི་བདེན་པ་བཞི་ལ་ཁྱད་པར་མེད་པར་ལོག་པར་འཇུག་པའི་ཕྱིར་འདོད་པ་ན་མཐོང་སྤང་བཞི་བཅུ་དང་། ཁམས་གོང་མ་གཉིས་ན་ཁོང་ཁྲོ་མེད་པའི་ཕྱིར་སུམ་ཅུ་རྩ་དྲུག་དྲུག་སྟེ། བརྒྱ་དང་བཅུ་གཉིས་དང་། སྒོམ་སྤང་ནི་འདོད་པ་ན་དྲུག་དང་། ཁམས་གོང་མ་གཉིས་ན་ལྔ་ལྔ་སྟེ་བཅུ་དྲུག་ཡིན་ལ། དེ་དག་ཀྱང་ཁམས་དང་སའི་སྒོ་ནས་ཕྱེ་ན་བཞི་བརྒྱ་དང་བཅུ་བཞིར་འགྱུར་རོ་ཞེས་ཟེར་རོ། །

{{#arraymap:ཁམས་གསུམ་གྱི་སྤང་བྱ་ཕྲ་རྒྱས་

|; |@@@ | | }}

ཁམས་གསུམ་གྱི་སྤང་བྱ་ཕྲ་རྒྱས་ (3)

Part of speech

མིང་ཚིག

Definition

བསྡུ་བའི་ལུགས་ལ། རྣམ་པར་གཏན་ལ་དབབ་པ་བསྡུ་བ་ལས་ནི་འདོད་པའི་སྡུག་བསྔལ་ལ་ནི་བཅུ་པོ་ཐམས་ཅད་ལོག་པར་འཇུག་གོ ། བདེན་པ་ཕྱི་མ་གསུམ་ལ་ནི་འཇིག་ཚོགས་ལ་ལྟ་བ་དང་མཐར་འཛིན་པར་ལྟ་བ་གཉིས་མ་གཏོགས་པ་བརྒྱད་བརྒྱད་ལོག་པར་འཇུག་གོ ། ཁམས་གོང་མ་གཉིས་ཀྱི་བདེན་པ་ལ་ནི་ཁོང་ཁྲོ་མ་གཏོགས་པ་སྔ་མ་བཞིན་དུ་དགུ་དང་བདུན་བདུན་ལོག་པར་འཇུག་གོ་ཞེས་མཐོང་སྤང་འདོད་པ་ན་སུམ་ཅུ་རྩ་བཞི་དང་། གོང་མ་གཉིས་ན་སུམ་ཅུ་སུམ་ཅུ་སྟེ་དྲིལ་བས་དགུ་བཅུ་རྩ་བཞི་དང་། སྒོམ་སྤང་ནི་འདོད་པའི་ཁོང་ཁྲོ་དང་། ཁམས་གསུམ་གྱི་འདོད་ཆགས་དང་ང་རྒྱལ་དང་མ་རིག་པའོ། །དེ་དག་ལ་ནི་ལམ་མཆོག་ཏུ་གོམས་པས་སྤོང་བས་ན་སྒོམ་སྤང་ཞེས་བྱའོ་ཞེས་འདི་དང་མཐུན་པར་བཤད་དོ་ཞེས་མཛོད་འགྲེལ་མངོན་པའི་རྒྱན་ལས་སོ། །

{{#arraymap:ཁམས་གསུམ་གྱི་སྤང་བྱ་ཕྲ་རྒྱས་

|; |@@@ | | }}