36831

ཕན་པའི་དོན་བཞི་མཐོང་བས་དྲན་པའི་མཐུ་ཐོབ་པར་ལྡན་དགོས་པའི་ཆོས་བཞི་ (1)

Part of speech	མིང་ཚིག
Definition	ཤེས་རབ་ཤིན་ཏུ་བྱང་བ་དྲན་པའི་ཕྱིར་རྟག་ཏུ་རྒྱུན་མི་འཆད་པའི་བརྩོན་འགྲུས། ཆོས་རྣམས་ཀྱི་ཡང་དག་པ་མི་མཚན་ཉིད་ཐོབ་པར་བྱ་བའི་ཕྱིར་རྩེ་གཅིག་པའི་ཐབས་ཀྱིས་རྟག་ཏུ་རྒྱུན་མི་འཆད་པ། ཆོས་ཐམས་ཅད་ཡང་དག་པར་དྲན་པར་བྱ་བའི་ཕྱིར་རྟག་ཏུ་ལེ་ལོ་མེད་པ། ཡང་དག་པའི་ཡིད་ལ་བྱ་བའི་ཕྱིར་རྟག་ཏུ་དབང་པོ་རྣམས་བསྲུང་བའོ། །
Domain	ཆོས་ལུགས།

ཕན་པའི་དོན་བཞི་མཐོང་བས་དྲན་པའི་མཐུ་ཐོབ་པར་ལྡན་དགོས་པའི་ཆོས་བཞི་ (2)

Part of speech	མིང་ཚིག
Definition	ཚུལ་ཁྲིམས་རྣམ་པར་དག་པ་ལ་གནས་པ། སྤྱོད་ལམ་རྣམ་པར་དག་པ་དང་ལྡན་པ། སྤྱོད་པའི་གནས་ཀུན་ཏུ་སེམས་ཀྱི་སྒྲིབ་པ་ལྔ་ཡོངས་སུ་བསལ་ཏེ་འཇིག་རྟེན་གྱི་ཆོས་ལ་མི་ཆགས་པ། ལས་ཀྱི་སྒྲིབ་པ་དང་ཉོན་མོངས་པའི་སྒྲིབ་པ་ཡོངས་སུ་སྤངས་པའོ། །

ཕན་པའི་དོན་བཞི་མཐོང་བས་དྲན་པའི་མཐུ་ཐོབ་པར་ལྡན་དགོས་པའི་ཆོས་བཞི་ (3)

Part of speech	མིང་ཚིག
Definition	མི་འཁྲུགས་པའི་སེམས་ཀྱིས་དགེ་བའི་ཆོས་ཚོལ་བ། སེམས་ཀྱི་མཚན་ཉིད་གཅིག་ལ་གོམས་པར་བསྒོམས་པ། ཆོས་རྣམས་ཀྱི་རྣམ་གྲངས་ལ་ཡང་དག་པར་འཇུག་ཅིང་ཤིན་ཏུ་མཁས་པ། འདུ་འཛི་ལ་མི་མོས་པས་ཁྱིམ་ན་གནས་པ་དང་། རབ་ཏུ་བྱུང་བའི་གང་ཟག་སྤོང་བའོ། །

ཕན་པའི་དོན་བཞི་མཐོང་བས་དྲན་པའི་མཐུ་ཐོབ་པར་ལྡན་དགོས་པའི་ཆོས་བཞི་ (4)

Part of speech	མིང་ཚིག
Definition	དགེ་བའི་བཤེས་གཉེན་ལ་བསྟེན་པ། རྟག་ཏུ་ཆོས་ཟབ་མོ་ལ་ནན་ཏན་བྱེད་པ། རྟག་ཏུ་སངས་རྒྱས་དང་། བྱང་ཆུབ་སེམས་དཔའི་གན་དུ་འགྲོ་བ་ལ་དགའ་བ། གསོལ་བ་དང་ཞུ་བ་ལ་དགའ་ཞིང་ཤེས་རབ་སྒོམ་པ་ལ་མོས་པའོ། །