3685

ཁམས་དྲུག་ཅུ་རྩ་གཉིས་ (1)

Part of speech	མིང་ཚིག
Definition	མདོ། མངོན་པ། ཁམས་མང་རེ་གཉིས་སམ་ཁམས་དྲུག་ཅུ་རྩ་གཉིས་ནི། ཁམས་མང་པོ་པའི་མདོ་ལས། ཁམས་དྲུག་ཅུ་རྩ་གཉིས་གསུངས་པ་དེ་དག་ཡིན་ལ། དེ་དག་ནི་སྡུད་བྱེད་ཁམས་བཅོ་བརྒྱད་དང་། བཅོ་བརྒྱད་པོ་དེ་དག་ལས་གཞན་པའི་ཁམས་ཞེ་བཞི་བོ་རྣམས་སོ། །ཞེ་བཞིའི་སྡོམ་ནི། དྲུག་ཚན་གསུམ་དང་བཞི་ཚན་གཅིག ། གསུམ་ཚན་དྲུག་དང་གཉིས་ཚན་གཉིས། །ཞེས་པ་ལྟར་རོ། །རེ་གཉིས་ཀྱི་སྡོམ་ནི། མིག་སོགས་ཁམས་ནི་བཅོ་བརྒྱད་དང་། །འབྱུང་བཞི་ནམ་མཁའ་རྣམ་ཤེས་དང་། །ཚོར་བ་ལྔ་དང་མ་རིག་དང་། །འདོད་ཁམས་གནོད་སེམས་རྣམ་པར་འཚེ། །ངེས་འབྱུང་གནོད་སེམས་མེད་པ་དང་། །རྣམ་མི་འཚེ་སྟེ་དྲུག་ཚན་གསུམ། །གཟུགས་མ་གཏོགས་པའི་ཕུང་པོ་བཞི། །འདོད་དང་གཟུགས་དང་གཟུགས་མེད་ཁམས། །ངན་པ་བར་མ་གྱ་ནོམ་ཁམས། །གཟུགས་དང་གཟུགས་མེད་འགོག་པའི་ཁམས། །དགེ་དང་མི་དགེ་ལུང་མ་བསྟན། །སློབ་དང་མི་སློབ་གཉིས་ཀ་མིན། །འདས་དང་མ་འོངས་ད་ལྟར་ཏེ། །དེ་ལྟ་ན་ནི་གསུམ་ཚན་དྲུག ། ཟག་བཅས་ཟག་པ་མེད་ཁམས་དང་། །འདུས་བྱས་འདུས་མ་བྱས་ཁམས་ཏེ། །ཁམས་ནི་དྲུག་ཅུ་རྩ་གཉིས་སོ། །ཞེས་ཀུན་མཁྱེན་གོ་རམས་པའི་ངོ་མཚར་གསུམ་ལྡན་ལས་སོ། །
Domain	ཆོས་ལུགས།