36893

ཕན་ཡོན་ལ་དགའ་བས་ཆོས་གོས་ལུས་ལ་བཅང་བ་བཅུ་ (1)

Part of speech	མིང་ཚིག
Definition	དཀོན་བརྩེགས་དྲག་ཤུལ་ཅན་གྱིས་ཞུས་པའི་མདོ་ལས་བྱུང་བ་སྟེ། ངོ་ཚ་ཞིང་འཛེམ་པས་དཀྲི་བ། ཤ་སྦྲང་དང༌། སྦྲང་བུ་དང༌། རླུང་དང༌། ཉི་མ་དང༌། སྡིག་སྤྲུལ་གྱིས་རེག་པར་འགྱུར་བ་གཡོག་པ། དགེ་སྦྱོང་གི་ཁ་དོག་དང༌། རྟགས་བསྟན་པ། ངུར་སྨྲིག་དེ་དག་ལྷ་དང༌། མི་དང༌། ལྷ་མ་ཡིན་དུ་བཅས་པའི་འཇིག་རྟེན་གྱི་མཆོད་རྟེན་ཡིན་ནོ་སྙམ་ནས་མཆོད་རྟེན་གྱི་ཕྱིར་ཡང་དག་པར་གཟུང་བར་བྱ་བ། དེ་དག་ནི་ཡིད་འབྱུང་བ་དང༌། འདོད་ཆགས་དང་བྲལ་བས་ཁ་དོག་བསྒྱུར་བ་ཡིན་ཏེ། འདི་དག་ནི་འདོད་ཆགས་ཀྱིས་ཁ་དོག་བསྒྱུར་བ་མ་ཡིན་པ། འདི་དག་ནི་ཉེ་བར་ཞི་བ་དང་མཐུན་པ་ཡིན་གྱི། འདི་དག་ནི་ཉོན་མོངས་པ་འབར་བ་དང་མཐུན་པ་མ་ཡིན་པ། ངུར་སྨྲིག་འདི་དག་གིས་དཀྲིས་ཤིང་གཡོགས་ནས་སྡིག་པ་ལས་ལྡོག་པར་བྱ་བ། ལེགས་པར་བྱ་བའི་ལས་བྱ་བ་དང༌། ཆོས་གོས་ཀྱིས་ཆ་བར་སྦྱོར་བ་ལ་བརྩོན་པ་མ་ཡིན་པ། ངུར་སྨྲིག་འདི་དག་འཕགས་པའི་ལམ་གྱི་ཚོགས་དང་མཐུན་པ་ཡིན་པར་ཤེས་ནས་ཅི་ནས་སྐད་ཅིག་གཅིག་ལ་ཡང་རྙོག་པ་དང་འགྲོགས་པར་མི་བྱ་བ། ངུར་སྨྲིག་རྣམས་བཅང་བར་བྱས་པའོ། །
Domain	ཆོས་ལུགས།