37145

ཕུང་པོ་ (1)

Part of speech	མིང་ཚིག
Definition	རྡུལ་རྫས་སམ་དུས་ཀྱི་རྒྱུན་སྔ་ཕྱིའི་ཆ་བསགས་པའི་གོང་བུའི་དོན།
Example	གཟུགས་ཀྱི་ཕུང་པོ། རྣམ་ཤེས་ཀྱི་ཕུང་པོ། སའི་ཕུང་པོ་ལྟ་བུ།

ཕུང་པོ་ (2)

Part of speech	མིང་ཚིག
Definition	མི་དང་སེམས་ཅན་ཤི་བའི་རོ།
Keyword	True
Example	མི་ཤི་བའི་ཕུང་པོ་མེ་ལ་བསྲེགས། རྟའི་ཕུང་པོ་ཆུ་ལ་གཡུགས་ལྟ་བུ།

ཕུང་པོ་ (3)

Part of speech	མིང་ཚིག
Definition	དངོས་པོ་རགས་པ་མཉམ་དུ་སྤུངས་པའི་དོན།
Example	གླེགས་བམ་གྱི་ཕུང་པོ། ཤིང་གི་ཕུང་པོ། འབྲུ་རིགས་ཀྱི་ཕུང་པོ་ལྟ་བུ།

ཕུང་པོ་ (4)

Part of speech	མིང་ཚིག
Definition	མི་དང་སྲོག་ཆགས་ཀྱི་ལུས་ཀྱི་མིང་།
Example	མིའི་ཕུང་པོ་རིང་པོ་འདུག ཕུང་པོ་ཐུང་ཐུང། གླང་ཆེན་གྱི་ཕུང་པོ་ལྟ་བུ།

ཕུང་པོ་ (5)

Part of speech	མིང་ཚིག
Definition	གྲངས་ཀ་ལྔ་སྟེ། གཟུགས། ཚོར་བ། འདུ་ཤེས། འདུ་བྱེད། རྣམ་ཤེས་ཏེ་ཕུང་པོ་ལ་ལྔ་ཡོད་པས་དེ་ལྟར་བཏགས།
Type	མངོན་བརྗོད།

ཕུང་པོ་ (6)

Part of speech	མིང་ཚིག
Definition	མདོ། མངོན་པ། ཕུང་པོའི་དོན་ནི་དུ་མ་སྤུངས་པ་སྟེ། མདོར་ན་གཟུགས་གང་ཅི་ལའང་རུང། འདས་པའམ། མ་འོངས་པའམ། ད་ལྟར་བྱུང་བའམ། ནང་གིའམ། ཕྱིའི་འམ། རགས་པའམ། ཕྲ་བའམ། ངན་པའམ། གྱ་ནོམ་པའམ། ཐག་རིང་བའམ། ཉེ་བ་ན་ཡོད་པ་དེ་ཐམས་ཅད་ཀྱང་གཅིག་ཏུ་བསྡུས་ཏེ། གཟུགས་ཀྱི་ཕུང་པོ་ཞེས་བྱ་བའི་གྲངས་སུ་འགྲོའོ། །ཞེས་དང་། རྣམ་ཤེས་ཀྱི་བར་དུའང་དེ་བཞིན་དུ་གསུངས་སོ། །དེ་ལ་དུས་ཀྱི་སྒོ་ནས་དང་པོ་གསུམ་མོ། །རྒྱུའི་སྒོ་ནས་ཕྱི་ནང་གཉིས་སོ། །རྣམ་པའི་སྒོ་ནས་ཕྲ་རགས་གཉིས་སོ། །བཟང་ངན་གྱི་སྒོ་ནས་ངན་པ་དང་གྱ་ནོམ་པའོ། །ཡུལ་གྱི་སྒོ་ནས་ཐག་ཉེ་རིང་གཉིས་སོ། །བྱེ་བྲག་ཏུ་སྨྲ་བ་ནི། གཟུགས་རེ་རེ་བ་ཡང་ཕུང་པོར་འདོད་པས་ཕུང་པོ་རྫས་ཡོད་དུ་འདོད། སློབ་དཔོན་གྱིས་ནི། གཅིག་པུ་ལ་སྤུངས་པའི་དོན་མེད་པས་ཕུང་པོའི་དོན་མི་གནས་ཤིང། མདོ་ལས། ཐམས་ཅད་གཅིག་ཏུ་བསྡུས་ནས་ཞེས་པ་དང་ཡང་འགལ་བས། ཕུང་པོ་བཏགས་ཡོད་དུ་བཞེད་དོ་ཞེས་ཀུན་མཁྱེན་རོང་སྟོན་གྱི་མངོན་མཛོད་རྣམ་བཤད་ཤེས་བྱ་རབ་གསལ་ལས་སོ། ། ཕུང་པོའི་ངོ་བོ་ནི་དུ་མ་སྤུངས་པའོ། །དུ་མ་སྤུངས་པའི་དོན་ཡང་བློས་ཕྱོགས་གཅིག་ཏུ་སྤུངས་སུ་རུང་བ་ཙམ་ཡིན་གྱི་དོན་ལ་སྤུངས་པ་ནི་མ་ཡིན་ཏེ། དུས་སྔ་ཕྱི་དང་། རྒྱུད་ཐ་དད་ཀྱི་གཟུགས་རྣམས་ཕྱོགས་གཅིག་ཏུ་སྤུངས་པར་བཤད་ཅིང། དེ་དག་དོན་ལ་ཕྱོགས་གཅིག་ཏུ་སྤུངས་སུ་མི་རུང་བའི་ཕྱིར་ཏེ། ཕུང་པོ་ལྔའི་རབ་བྱེད་ལས། ཅིའི་ཕྱིར་ཕུང་པོ་ཞེས་བྱ་ཞེ་ན་སྤུངས་པའི་ཕྱིར་ཏེ། དུས་དང་། རྒྱུ་དང་། རྣམ་པ་དང། འགྲོ་བ་དང། ཡུལ་ཐ་དད་པའི་གཟུགས་ལ་སོགས་པ་ཉིད་མདོར་བསྡུས་པ་ཉིད་ཀྱི་ཕྱིར་རོ། །ཞེས་གསུངས་སོ། །ཕུང་པོ་ལ་དབྱེ་ན་ལྔ་སྟེ། གཟུགས་ཀྱི་ཕུང་པོ་དང་། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པའི་ཕུང་པོའོ་ཞེས་ཀུན་མཁྱེན་གོ་རམས་པའི་ཇི་སྙེད་ཤེས་བྱའི་སྒོ་འབྱེད་ལས་སོ། །ཆོས་དུ་མ་སྤུངས་པའི་དོན་ནི་ཕུང་པོའི་མཚན་ཉིད་ཡིན་ཏེ། དངོས་པོའི་ཆོས་དུ་མ་ཚོགས་ཤིང་འདུས་པའི་ཕྱིར་རོ། །གལ་ཏེ་ཆོས་དུ་མ་སྤུངས་པ་ཕུང་པོ་ཡིན་ན་སྐད་ཅིག་དང་རྡུལ་ཕྲ་མོ་གཅིག་ཕུང་པོ་མ་ཡིན་པར་འགྱུར་ཏེ། དེའི་མཚན་ཉིད་མེད་པའི་ཕྱིར་རོ་ཞེ་ན། དེ་དག་ཀྱང་ལྡོག་པའི་ཆ་དུ་མ་སྤུངས་པའམ། ཡང་ན་དེ་དག་ཚོགས་པ་ཕུང་པོ་ཡིན་གྱི་གཅིག་པུ་ནི་ཕུང་པོ་མ་ཡིན་ཏེ། དེ་ཉིད་ཀྱི་ཕྱིར་ཕུང་པོའང་བཏགས་པའི་ཡོད་པ་ཉིད་དུ་བཤད་དེ། བྱེ་བྲག་ཏུ་བཤད་པ་ལས། གལ་ཏེ་ཆོས་མངོན་པ་བ་ཞིག་ཕུང་པོ་བཏགས་པའི་ཡོད་པར་ལྟ་ན་ནི་དེ་རྡུལ་ཕྲ་རབ་ཁམས་གཅིག་དང་སྐྱེ་མཆེད་གཅིག་དང་ཕུང་པོ་གཅིག་གི་ཕྱོགས་ཡིན་ནོ་ཞེས་སྨྲའོ། །འོན་ཏེ་མི་ལྟ་ན་ནི་དེ་རྡུལ་ཕྲ་རབ་ཁམས་གཅིག་དང་སྐྱེ་མཆེད་གཅིག་དང་ཕུང་པོ་གཅིག་ཡིན་ནོ་ཞེས་སྨྲའོ་ཞེས་བཤད་པའི་ཕྱིར་རོ་ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།