37760

ཕྱག་རྒྱ་ཆེན་པོ་བཞི་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། ཕྱག་རྒྱ་ཆེན་པོ་བཞི་ནི། ཆོས་ཀྱི་ཕྱག་རྒྱ་དང་། ཐབས་ཀྱི་ཕྱག་རྒྱ་དང་། ལས་ཀྱི་ཕྱག་རྒྱ་དང་། དམ་ཚིག་གི་ཕྱག་རྒྱ་སྟེ། དཔལ་གསང་བ་སྙིང་པོའི་རྒྱ་ཆེར་འགྲེལ་པ་ལས། ཡུམ་ཀུན་ཏུ་བཟང་མོ་ནི་ཆོས་ཀྱི་དབྱིངས་སྤྲོས་པ་དང་བྲལ་བ་ཤེས་རབ་ཀྱི་ཕ་རོལ་ཏུ་ཕྱིན་མ་ཆོས་དབྱིངས་ཏེ་ཆོས་ཀྱི་ཕྱག་རྒྱའོ། །ཡབ་ཀུན་ཏུ་བཟང་པོ་ནི་མཉམ་པ་ཆེན་པོའི་ཏིང་ངེ་འཛིན་ལ་གནས་པ་ཡབ་ཐབས་ཀྱི་ཕྱག་རྒྱ་ཆེན་པོའོ། །ཡེ་ཤེས་འཕྲོ་ཞེས་པ་ནི་བྱང་ཆུབ་སེམས་ཀྱི་ཡེ་ཤེས་ཏེ་འཕྲོ་འདུ་ལས་ཀྱི་ཕྱག་རྒྱ་ཉིད་དོ། །དེ་གནས་གང་དུ་འཕྲོ་ཞེ་ན། ཡུམ་ཀུན་ཏུ་བཟང་མོའི་མཉམ་རྫོགས་པདྨའི་དཀྱིལ་འཁོར་དུ་འཕྲོ་སྟེ་པདྨ་དེ་དང་ལྡན་པ་ནི་དམ་ཚིག་གི་ཕྱག་རྒྱའོ། །ཞེས་དང་། ཕྱོགས་བཅུའི་མུན་སེལ་ལས། ཕྱག་རྒྱ་ནི་དངོས་གྲུབ་བསྒྲུབ་པའི་གྲོགས་ཀྱི་ཡན་ལག་སྟེ། བསམ་པ་ཆོས་ཀྱི་ཕྱག་རྒྱ། བརྗོད་པ་དམ་ཚིག་གི་ཕྱག་རྒྱ། བསྒྱུར་བ་ལས་ཀྱི་ཕྱག་རྒྱ། ལྷའི་སྐུ་ཕྱག་རྒྱ་ཆེན་པོའོ། །ཞེས་གསུངས།
Domain	ཆོས་ལུགས།