37809

ཕྱག་རྒྱའི་གནས་སྐབས་གསུམ་ (1)

Part of speech	མིང་ཚིག
Definition	སྔགས། རྣལ་འབྱོར་བླ་མེད་རྒྱུད། དུས་འཁོར་སྦྱོར་དྲུག ཁམས་རགས་པའི་ཚོགས་པ་ལ་དྭངས་མ་བར་བ་རྣམས་བཅུད་ཀྱི་ཚུལ་དུ་གནས་ལ། དེ་ལ་ཤིན་ཏུ་ཕྲ་བའམ་ཤིན་ཏུ་དྭངས་མ་རྣམས་བཅུད་ཀྱི་ཚུལ་དུ་གནས་སོ། །དེ་ལྟར་གནས་ཀྱང་སྔ་མ་སྔ་མ་མ་ཞུ་བར་ཕྱི་མ་ཕྱི་མ་མངོན་དུ་མི་འགྱུར་བས་དང་པོར་ཐིག་ལེ་རགས་པ་མཐའ་དག་ཤིན་ཏུ་བཞུ་སྟེ། དྭངས་སྙིགས་འབྱེད་པ་ན་དེའི་རྩིགས་མ་རྣམས་ཟད་ཀྱི་བར་དྭངས་མ་རྣམས་བར་བར་མ་གྱུར་གྱི་བར་དུ་ལས་ཀྱི་ཕྱག་རྒྱ་ངེས་པར་དགོས་ཏེ། ཡེ་རྒྱ་དང་ཕྱག་ཆེན་ཙམ་གྱི་རགས་པ་བཞུ་མི་ནུས་པའི་ཕྱིར་རོ། །དེའི་རྗེས་སུ་དྭངས་མ་བར་མའི་དངོས་པོ་མཐའ་དག་ཤིན་ཏུ་བཞུ་སྟེ། བར་མའི་དངོས་པོ་དེ་ཉིད་ཀྱི་དྭངས་སྙིགས་འབྱེད་པ་ན། རྩིགས་མའི་ཆ་རྣམས་ཟད་ལ། དྭངས་མའི་ཆ་གང་ཡིན་པ་དེ་ནི་ཤིན་ཏུ་དྭངས་མའི་ཤིན་ཏུ་ཕྲ་བར་གྱུར་གྱི་བར་དུ་ནི་ལས་ཀྱི་ཕྱག་རྒྱ་མི་བསྟེན་པར་ཡེ་ཤེས་ཀྱི་ཕྱག་རྒྱ་ངེས་པར་དགོས་ཏེ། ཕྱག་ཆེན་འབའ་ཞིག་གིས་བར་བ་དེ་བཞུ་མི་ནུས་པའི་ཕྱིར་དང་། སྐབས་དེར་ལས་རྒྱ་བསྟེན་ན་མཐར་རིམ་པས་འགྲུབ་མོད་ཀྱི་གཡེང་རྐྱེན་དུ་གྱུར་པས་ལམ་བུལ་བར་འགྱུར་རོ། །ཤིན་ཏུ་དྭངས་མ་འབའ་ཞིག་ཏུ་གྱུར་ནས་ནི། མི་འགྱུར་བའི་བདེ་བ་མ་སྐྱེས་ཀྱི་བར་དུ་ཕྱག་རྒྱ་ཆེན་མོ་ཁོ་ནས་དེ་བཞུ་བར་བྱ་སྟེ། སྐབས་དེར་ལས་དང་ཡེ་རྒྱས་གཡེང་བ་ཅན་དུ་བྱེད་པས་ལམ་འགོར་བར་འགྲོ་བས་སོ། །མི་འགྱུར་བའི་བདེ་བ་ཐོབ་ནས་ནི་གསུམ་ཀས་འཕེལ་བར་བྱའོོ། །
Domain	ཆོས་ལུགས།