37976

ཕྱི་ནང་གསང་བའི་མཆོད་ཕྲེང་ (1)

Part of speech

མིང་ཚིག

Definition

ཐུགས་སྒྲུབ་ཡང་སྙིང་འདུས་པ་ལས། ཕྱི་ནང་གསང་བའི་མཆོད་ཕྲེང་། ཞེས་བྱ་བ་སྟེ། གཏེར་གཞུང་ལས། ཀྱེ་ཧོ༔ བདག་འདྲ་གནུབས་བན་ནམ་མཁའི་སྙིང་པོ་ཡིས༔ ཡང་གསང་སྙིང་པོ་བླ་མའི་ཐུགས་སྒྲུབ་ལས༔ སྒྲུབ་ཆེན་དབང་དང་སྐུ་གསུམ་སྒྲུབ་པ་དང༔ རྟེན་གསུམ་རབ་གནས་གཤིན་དོན་བདུན་ཚིགས་སོགས༔ དེ་དག་རྣམས་ཀྱི་ཆ་རྐྱེན་ཁ་སྐོང་དང༔ རྣལ་འབྱོར་སྒྲུབ་མཆོད་ནར་མར་བྱ་བའི་ཕྱིར༔ གུ་རུ་ཉིད་ལ་བཀའ་ལུང་ཞུས་ནས་ཀྱང༔ མ་འོངས་དོན་དུ་གསལ་བྱེད་ཡི་གེར་བཀོད༔ ད་ལྟར་མི་སྤེལ་གཏེར་དུ་སྦ་བར་བསམ༔ མ་འོངས་རྩོད་ལྡན་དུས་ཀྱི་སྙིགས་མ་ལ༔ སྐལ་ལྡན་སྐྱེས་བུ་གཅིག་དང་འདི་ཕྲད་ནས༔ རང་གཞན་འགྲོ་བའི་དོན་ལ་སྤྱོད་པར་ཤོག༔ ཅེས་གསུངས་པ་ལྟར། ས་རྟའི་ལོ་ལུག་ཟླའི་ཚེས་བརྒྱད་ལ་གཏེར་ཆེན་རཏྣ་གླིང་པས་གཉལ་སྨད་དགེ་རིའི་བྲག་མཆོད་རྟེན་གྱི་ནང་ནས་བཏོན་པའོ། །འདིའི་ནང་དོན་ལ། རང་ཉིད་ཡི་དམ་ལྷའི་རྣམ་པར་གསལ་ནས་བཀའ་བསྒོ་བ་དང་། མཚམས་བཅད་པ། མཆོད་གཏོར་བྱིན་གྱིས་བརླབ་པ་སོགས་ཆོས་བཅུ་གསུམ་གྱི་སྒོ་ནས་བསྒྲུབ་པ་མཆོག་ལ་ཉེ་བར་བརྩོན་པ་དང་། བདག་གཞན་དོན་གཉིས་བསྒྲུབ་པའི་ཕྱིར་ཕྱི་ནང་གསང་བའི་མཆོད་ཕྲེང་གི་རིམ་པ་རྣམས་བསྟན།