38000

ཕྱི་ཕ་རོལ་ཏུ་ཕྱིན་པའི་ཐེག་པ་དང་ནང་གསང་བ་སྔགས་ཀྱི་ཐེག་པ་གཉིས་ (1)

Part of speech

མིང་ཚིག

Definition

ཇོ་ནང་བླ་མ་ས་བཟང་པཎ་ཆེན་གྱི་རང་འགྲེལ་བླང་དོར་རབ་གསལ་སྣང་བ་ལས། འཁོར་ལོ་ཐ་མ་ལ་ཡང་ཕྱི་མཚན་ཉིད་ཕ་རོལ་ཏུ་ཕྱིན་པའི་ཐེག་པ་དང་། ནང་གསང་སྔགས་ཀྱི་ཐེག་པ་གཉིས་ཡོད་ཅིང་། གཉིས་ཀ་ལའང་བརྒྱད་སྟོང་དོན་བསྡུར། ཤེས་རབ་ཕ་རོལ་ཕྱིན་གཉིས་མེད། །ཡེ་ཤེས་དེ་ནི་དེ་བཞིན་གཤེགས། །ཞེས་གསུངས་པ་ལྟར་མཐར་ཐུག་ངེས་པའི་དོན་གཅིག་ཡིན་ན་ཡང་། ལྟ་བ་དོན་དམ་པའི་སྟོང་པ་ཉིད་གསལ་བར་སྟོན་པ་དང་། བསྒོམ་པ་དེ་མངོན་དུ་བྱེད་པའི་ཐབས་མང་ཞིང་དཀའ་བ་མེད་པ་དང་། གདུལ་བྱ་ཡང་རབ་དབང་པོ་མཆོག་ཏུ་གྱུར་པ་རྣམས་ཀྱི་དོན་དུ་གསུངས་པ་ལ་སོགས་པའི་སྒོ་ནས་གསང་སྔགས་ཁྱད་པར་དུ་འཕགས་པར་ཡང་ཤེས་པར་བྱ་སྟེ། ཚུལ་གསུམ་སྒྲོན་མེ་ལས། དོན་གཅིག་ན་ཡང་མ་རྨོངས་དང་། །ཐབས་མང་དཀའ་བ་མེད་པ་ཉིད། །དབང་པོ་རྣོན་པོའི་དབང་བྱས་ཕྱིར། །སྔགས་ཀྱི་ཐེག་པ་ཁྱད་པར་འཕགས། །ཞེས་གསུངས་སོ། །