38268

ཕྱིའི་སྡོམ་ལྔ་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། ཕྱིའི་སྡོམ་ལྔ་ནི། བཀའ་བརྒྱད་བདེ་གཤེགས་འདུས་པའི་ཆོས་སྐོར་ལ་རྒྱུད་ལུང་མན་ངག་གསུམ་གྱི་ཆོས་སྡེ་བརྒྱ་དང་སུམ་ཅུར་གྲགས་པའི་ཡ་གྱལ། མན་ངག་གི་སྐོར་ལ། ཕྱི་བཤད་ཐབས་གསལ་བྱེད་ཀྱི་མན་ངག ནང་སྒྲུབ་ཐབས་གསལ་བྱེད་ཀྱི་མན་ངག གསང་བ་ཉམས་ལེན་གསལ་བྱེད་ཀྱི་མན་ངག་གསུམ་དུ་ཕྱེ་བའི་དང་པོ་ལའང་། ཕྱིའི་སྡོམ་ལྔ། རྒྱུད་ཀྱི་ཆིངས་ལྔ། ལུང་གི་སྡེབས་ལྔ། སྒྲུབ་ཐབས་ཀྱི་སྦྱོར་སོ་ལྔ་སྟེ། ཆོས་སྡེ་ཉི་ཤུ་ཡོད་པ་ལས། དང་པོ་ཕྱིའི་སྡོམ་ལྔ་ནི། བཀའ་བརྒྱད་རྣམ་བཤད་ལས། ཕྱིའི་སྡོམ་ལྔ་ནི། གསང་སྔགས་ལུང་གི་བང་མཛོད། གསང་སྔགས་བཀའ་ཡི་ཐ་རམ། གསང་སྔགས་བཀའ་ཡི་ལྡེའུ་མིག གསང་སྔགས་ལུང་གི་བཀའ་མགོ སྒྲུབ་པ་ལུང་གི་བཀའ་མགོ་དང་ལྔའོ། །ཞེས་གསུངས། ཡང་འདི་ལ་སྤྱིའི་སྡོམ་ལྔ་ཞེས་ཀྱང་གསུངས་ཏེ། སྒྲུབ་པ་བཀའ་བརྒྱད་ཀྱི་བཀའ་བབས་ལས། སྤྱིའི་སྡོམ་ལྔ་ནི༔ གསང་སྔགས་ལུང་གི་བང་མཛོད༔ གསང་སྔགས་བཀའི་ཐ་རམ༔ གསང་སྔགས་ལུང་གི་ལྡེ་མིག༔ གསང་སྔགས་ལུང་གི་བཀའ་བསྒོ༔ མན་ངག་ལུང་གི་སྤྱི་ཆིངས་དང་ལྔའོ༔ ཞེས་རྩི་སྲོལ་ཅུང་མི་འདྲ་བར་སྣང་། འདི་ལ་ཕྱིའི་སྡོམ་ལྔ་དང་། སྤྱིའི་སྡོམ་ལྔ། གསང་སྔགས་ཀྱི་སྡོམ་ལྔ་བཅས་སུའང་གྲགས།
Domain	ཆོས་ལུགས།