38725

ཕྲ་མེན་སྤྱོད་པའི་རྣལ་འབྱོར་ (1)

Part of speech	མིང་ཚིག
Definition	སྔགས། ཨ་ནུ་ཡོ་ག རྙིང་མ། ས་དང་པོ་འགྱུར་བ་མ་ངེས་པའི་སར་རྣལ་འབྱོར་དྲུག་ཐོབ་པའི་གསུམ་པ་ཡིན། འདི་ནི་སྒོ་གསུམ་གྱི་སྤྱོད་པ་གསང་བའི་ཚུལ་དེར་འཇུག་པ་དང་གཞན་འདྲེན་མར་སྤྱོད་ཅིང་སྒོམ་པའང་རྟོག་པ་དང་འདྲེན་མར་རྒྱུ་བ་དང་མཚན་མེད་སྐབས་མིང་ཙམ་གྱི་ཆོས་ཉིད་དེ་རང་གསལ་མི་གསལ་འདྲེས་མར་སྤྱོད་ཕྱིར་ཕྲ་མེན་སྤྱོད་པའི་རྣལ་འབྱོར་ཞེས་བྱ་དཔེ་ནི་དུ་བ་ལྟ་བུའོ། །ཡི་གེའི་རྗེས་སུ་འཇུག་པ་མཚན་བཅས་ལྷ་སྒོམ་སྐབས། ཉམས་ཐོབ་པ་ལྷ་རེས་གསལ་རེས་མི་གསལ་འདྲེས་མའོ། །ཉམས་ནི་བྱ་བ་བྱེད་པའི་ཏིང་ངེ་འཛིན་ལ་སྦྱོར་བ་དང་འཕྲོ་འདུ་ནི་དབུགས་ཀྱི་བསྙེགས་ཚད་དུ་བྱེད། ཁྱོན་ནི་ཁྲུ་བཞི་སྟེ་རང་གི་ལུས་པོ་ཙམ་དུ་སྒོམ། གྲངས་ནི་ལྷ་གཅིག རྣམ་པའི་ཁྱད་པར་ནི་རྟོག་པའི་ལྷའོ། །མཚན་མེད་ཆོས་ཉིད་སྒོམ་སྐབས་གཡོ་བ་བྱང་ཆུབ་ཀྱི་སེམས་དཔེ་སྐར་མ་རབ་རིབ་ལྟར་འཆར་ལ། ལྟ་བ་ནི་གསང་བ་མཆོག་གི་དེ་ཁོ་ན་ཉིད་ཀྱི་མིང་ཙམ་དུ་འཛིན་པ་དང༌། སྒོམ་པ་ནི་བྱ་བ་བྱེད་པའི་ཏིང་ངེ་འཛིན་དང༌། སྤྱོད་པ་ནི་བསོད་ནམས་ཀྱི་དཔུང་གིས་རྣམ་པར་དཀར་བའི་སྤྱོད་པའོ། །ཉམས་དང་རྣལ་འབྱོར་ཕྲ་མོ་ཀུན་མཚན་བཅས་ཀྱི་སྐབས་དང་ཐུན་མོང་ཡིན་པར་གསུངས།
Domain	ཆོས་ལུགས།