38760

ཕྲ་རྒྱས་སྐྱེ་བའི་གོ་རིམ་ (1)

Part of speech	མིང་ཚིག
Definition	མདོ། མངོན་པ། གོ་རིམ་ནི་བདེན་པ་བཞིའི་དམིགས་པ་ལ་ཀུན་ཏུ་རྨོངས་པ་ལས་བདེན་བཞི་ཡིན་ནམ་མ་ཡིན་སྙམ་པའི་ཐེ་ཚོམ་དང་། ཐེ་ཚོམ་གྱི་རྗེས་དེ་ནས་ནི་ཐེ་ཚོམ་གྱིས་ལོག་པར་ཐོས་ཤིང་བསམ་པ་ལས་བདེན་པ་མེད་དོ་ཞེས་སྐུར་བ་འདེབས་པའི་ལོག་ལྟ་དང་། ལོག་ལྟ་སྐྱེས་པ་དེ་ནས་ཕུང་པོ་མི་རྟག་དུ་མར་མ་ཤེས་པས་བདག་ཏུ་ཞེན་པའི་འཇིག་ཚོགས་ལ་ལྟ་བ་དང་། དེ་ནས་བདག་རྟག་ཆད་དུ་ལྟ་བའི་མཐར་འཛིན་པར་ལྟ་བ་དང་། མཐར་འཛིན་སྐྱེས་པ་དེ་ནས་ནི་གང་ལ་མཐར་བཟུང་བ་དེས་འདག་པར་ཡིད་ཆེས་པའི་ཚུལ་ཁྲིམས་དང་བརྟུལ་ཞུགས་མཆོག་འཛིན་དང་། དེ་ནས་འདག་པར་ཡིད་ཆེས་པ་དེ་ལ་མཆོག་ཏུ་འཛིན་པས་ལྟ་བ་མཆོག་འཛིན་དང་། དེ་ནས་རང་གི་ལྟ་བ་ལ་ཆགས་ཤིང་ཁེངས་པའི་ཆགས་པ་དང་ང་རྒྱལ་དང་གཞན་གྱི་ལྟ་བ་ལ་ཞེ་སྡང་སྐྱེ་སྟེ། དེ་ལྟར་ན་འདི་ནི་སྐྱེ་བའི་རིམ་པ་ཡིན་ནོ། །ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།