3879

ཁྱབ་པ་ (1)

Part of speech	མིང་ཚིག
Definition	དབུ་མ་ཆེན་པོ། ཇོ་ནང་། གཞན་སྟོང་དབུ་མ། དཔེར་ན་དངོས་པོ་ཀུན་ལ་ཁྱབ་པར་བྱའོ་སྙམ་པའི་རྣམ་པར་རྟོག་པ་མེད་པའི་བདག་ཉིད་ཐོགས་བཅས་ཀྱི་རེག་པ་བཀག་ཙམ་གྱི་མེད་པར་དགག་པའི་མཚན་ཉིད་ཅན་དངོས་པོ་མེད་པའི་ནམ་མཁའ་དེ། ཕྱི་ནང་གི་དངོས་པོ་ཀུན་གྱི་རྗེས་སུ་སོང་བ་སྟེ་ཐམས་ཅད་ལ་ཁྱབ་པ་ལྟར་སེམས་ཀྱི་རང་བཞིན་འོད་གསལ་བ་གདོད་མ་ནས་སྤྲོས་པ་དང་བྲལ་བ་དྲི་མ་མེད་པའི་དབྱིངས་དེ་ཡང་དག་པ་དང་མ་དག་པའི་ཆོས་ཀུན་ལ་འགྲོ་བ་སྟེ་ཁྱད་པར་མེད་པར་ཁྱབ་པ་ཉིད་དོ། །དེ་ཡང་དཔེ་དང་བཅས་པར་རྒྱས་པར་བཤད་པ་ཉིད། དཔེར་མཚོན་ན་དངོས་མེད་ཀྱི་ནམ་མཁའ་དེ་གཟུགས་ཀྱི་རྣམ་པ་དམན་པའི་མི་གཙང་བའི་ཕུང་པོ་ལྟ་བུ་ཞིག་ལ་ཡང་ཁྱབ་ཀྱང་དེའི་ཉེས་པས་ནམ་མཁའ་མ་དག་པར་མ་བྱས་པ་དང། ནམ་མཁའ་དེ་གཟུགས་ཀྱི་རྣམ་པ་བར་མར་གྱུར་བ་རི་ཁང་ཁྱིམ་སོགས་ལ་ཁྱབ་ཀྱང་དེ་རྣམས་ཀྱིས་ནམ་མཁའི་ངོ་བོ་ལ་མ་གོས་ཤིང། ནམ་མཁའ་དེའི་རང་བཞིན་དུ་བྱས་པ་མ་ཡིན་པ་དང་། གཟུགས་ཀྱི་རྣམ་པ་མཆོག་རི་རབ་ལྷུན་པོ་དང་རྣམ་པར་རྒྱལ་བའི་ཁང་བཟང་སོགས་ལ་ཡང་ནམ་མཁའ་དེས་ཁྱབ་ཀྱང། ནམ་མཁའི་ངོ་བོ་ལ་དེ་རྣམས་ཀྱི་མ་གོས་ཤིང་ནམ་མཁའི་ངོ་བོ་དངོས་པོ་མཆོག་དེ་རྣམས་ཀྱི་རང་བཞིན་དུ་མ་བྱས་པ་ལྟར། ཆོས་ཀྱི་སྤྱིའི་མཚན་ཉིད་དེ་བཞིན་ཉིད་དེ་ཡང་འདོད་ཆགས་སོགས་གློ་བུར་གྱི་ཉེས་པ་དང་བཅས་སེམས་ཅན་དམྱལ་བ་མནར་མེད་སོགས་ཀྱི་འགྲོ་བ་དམན་པ་ཀུན་ལ་ཁྱབ་ཀྱང། དེའི་ཉེས་པས་ཆོས་དབྱིངས་མ་དག་པར་མ་བྱས་པ་དང་། མངོན་ཤེས་དང་རྫུ་འཕྲུལ་སོགས་ཡོན་ཏན་གྱི་ཚོགས་རྣམས་ལ་ཆོས་དབྱིངས་དེ་ཁྱབ་ཀྱང་། ཆོས་དབྱིངས་རང་གི་ངོ་བོ་མངོན་ཤེས་དང་རྫུ་འཕྲུལ་སོགས་སུ་མ་བྱས་པ་དང། གཟུགས་ཀྱི་སྐུ་སོོགས་མཐར་ཐུག་གི་འབྲས་བུ་རྣམས་ལ་ཆོས་དབྱིངས་དེ་ཁྱབ་ཀྱང་། ཆོས་དབྱིངས་རང་གི་ངོ་བོ་གཞན་སྣང་གཟུགས་སྐུ་སོགས་ཀྱི་ངོ་བོར་མེད་པའོ་ཞེས་པ་ནི་ཆོས་དབྱིངས་འཁོར་འདས་ཀུན་ལ་ཁྱབ་པའི་དོན་ནོ། །
Domain	ཆོས་ལུགས།