38822

ཕྲིན་ལས་ (1)

Part of speech	མིང་ཚིག
Definition	ལས་ཀ་དང་མཛད་པའམ་བྱ་བ་སོགས་ཀྱི་དོན།
Example	ཕྲིན་ལས་ནམ་མཁའ་དང་མཉམ་པ་ལྟ་བུ།
Type	ཞེ་ས།

ཕྲིན་ལས་ (2)

Part of speech	མིང་ཚིག
Definition	སྔགས། མ་ཧཱ་ཡོ་ག ཕྲིན་ལས་ནི་རྒྱུད་ཀྱི་དངོས་པོའི་བྱེ་བྲག་ཅིག་སྟེ། དཀོན་ཅོག་འགྲེལ་ལས། ཕྲིན་ལས་ནི། སངས་རྒྱས་ཀྱི་མཛད་པ་བསྒྲུབ་པའི་ཕྱིར་བྱང་ཆུབ་ཀྱི་སེམས་ལ་བརྟེན་ནས་འགྲོ་བའི་དོན་སྤྱོད་པའི་མཚན་ཉིད་དེ་ཚད་མེད་པ་བཞིའི་རྒྱུ་ལས་བྱུང་བ་ཡིན་ནོ། ། འདིའི་དབྱེ་བ་ནི། རིགས་ཀྱི་སྒོ་ནས་ཚར་གཅོད་པ་དང་། ཕན་འདོགས་པ་གཉིས་ཀྱི་བྱེ་བྲག་ལས། ཞི་བ་ལ་སོགས་པའི་ལས་རྣམ་པ་བཞི་ལྟ་བུ་ལས་རབ་ཏུ་དབྱེ་བའི་སྤྲོས་པ་གྲངས་ཆད་པ་དང་། གྲངས་ཆད་པ་མེད་པར་གསུངས་པ་རྣམས་སོ། །ཐབས་ཀྱི་སྒོ་ནས་དབྱེ་བ་ནི་རྫས་ལ་བརྟེན་པ་དང་མ་བརྟེན་པའི་བྱེ་བྲག་གིས། བསམ་གཏན་དང་། བཟླས་བརྗོད་དང་། སྦྱིན་སྲེག་ལ་སོགས་པའི་སྒོ་ནས་ཐབས་ཀྱི་ཆོ་ག་ཇི་སྙེད་གསུངས་པ་རྣམས་སོ། །ཅིའི་ཕྱིར་བདག་ཉིད་ཆེན་པོ་རྣམས་ཀྱིས་རྒྱུད་རྣམས་སུ་ཕྲིན་ལས་བསྟན་ཅེ་ན། སངས་རྒྱས་ཀྱི་མཛད་པ་བསྒྲུབ་པ་ལ་ཐབས་འདི་དག་ཙམ་ཡིན་པའི་ཕྱིར་རོ། །འདི་དག་ནི་གཞི་ལྔ་ཞེས་བྱ་སྟེ། སྔགས་ལ་སོགས་པའི་ཡན་ལག་བཞིའང་འདི་དག་གི་བྱ་བ་བསྒྲུབ་པའི་ཐབས་ཀྱི་ཡན་ལག་ཡིན་པའི་ཕྱིར་རོ། །དེ་བས་ན་དངོས་པོ་དེ་དག་གང་གཙོ་བོར་བྱེད་ཀྱང་སྔགས་ལ་སོགས་པའི་ཡན་ལག་བཞི་པོ་འདི་ལས་ཐབས་ལྷག་པ་གཞན་མེད་དེ། བྱ་བ་ཐམས་ཅད་ལ་འདི་དག་ཚང་བའི་ཕྱིར་རོ། །ཞེས་དང་། འོད་གསལ་སྙིང་པོ་ལས། ཀརྨ་ཞེས་པའི་སྒྲ་ལས་སྒོ་གསུམ་གྱི་བྱ་བའི་ལས་ཏེ། དེ་ཡང་ཚད་མེད་པ་བཞིའི་རྒྱུ་ལས་བྱུང་བའི་ཀུན་རྫོབ་བྱང་ཆུབ་ཀྱི་སེམས་དང་། ཤེས་རབ་ཆེན་པོས་ཟིན་པའི་སྒོ་ནས་གཙོ་བོར་གཞན་དོན་སྒྲུབ་པ་ལ་དམིགས་པའི་ཐབས་མཁས་ཀྱི་མཛད་སྤྱོད་ཁྱད་པར་ཅན་ནོ། །ཞེས་གསུངས། འདིའི་དབྱེ་བ་ལ། བསྒྲུབ་བྱའི་སྒོ་ནས་མཆོག་ཐུན་གྱི་ལས་གཉིས་དང་། རྟེན་གྱི་སྒོ་ནས་ཕྱི་རྫས་དང་ནང་སྒོ་གསུམ་ལ་བརྟེན་པའི་ལས་གཉིས། ངོ་བོའི་ཆ་ནས་ཕན་འདོགས་པ་དང་ཚར་གཅོད་པའི་བྱེ་བྲག་ལས། ཞི་རྒྱས་དབང་དྲག་གི་ལས་བཞི་བཅས་གསུངས།
Domain	ཆོས་ལུགས།