39401

བཀའ་བློན་ (1)

Part of speech	མིང་ཚིག
Definition	རྒྱལ་པོའི་བཀའ་ལ་ཡོ་གལ་འཆོས་པའི་བློན་པོའི་དོན་ཏེ། བཀའ་བློན་ཞེས་པའི་ཐ་སྙད་འདི་སྔ་རབས་བོད་ཀྱི་ལོ་རྒྱུས་ཐོག་མར་གསལ་བ་ནི། བཙན་པོ་ཁྲི་སྲོང་ལྡེ་བཙན་གྱི་སྐབས་བྲིས་པར་གྲགས་པའི་ལོ་རྒྱུས་ཀྱི་ཡི་གེ་སྦ་བཞེད་ཀྱི་ནང༌། བཀའ་ཡོ་གལ་འཆོས་པ་ཞེས་འཁོད་པ་དེ་ཡིན་ཞིང་། དེའི་འགྲེལ་བཤད་སྐོར་མཁས་པ་ལྡེའུའི་ཆོས་འབྱུང་ནང་འཁོད་པ་ལྟར་དུས་རབས་བཅུ་དྲུག་པའི་དཀྱིལ་དུ་དཔའ་བོ་གཙུག་ལག་ཕྲེང་བས་བརྩམས་པའི་ཆོས་འབྱུང་མཁས་པའི་དགའ་སྟོན་ནང་བློན་པོ་ཆེ་དགུའི་གོ་གནས་དང་། ལས་འགན་གཟེངས་རྟགས་བཅས་ཀྱི་བཤད་པའི་སྐབས་སུ་བཀའ་ཡོ་གལ་འཆོས་པ་ཞེས་པ་ནི་བཀའ་བློན་ཡིན་པ་དང༌། དགུང་བློན་ཆེན་པོའི་འོག་གི་བློན་ཆེན་རིམ་པ་གཉིས་པའི་གྲས་བཀའ་བློན་ཆེ་འབྲིང་ཆུང་གསུམ་ཡོད་པ། བཀའ་བློན་གྱི་ལས་འགན་ནི་བཙན་པོ་དང་དགུང་བློན་ཆེན་པོས་བཀའ་ཕབ་པ་རྣམས་ལག་ལེན་བསྟར་འོས་དང་མི་འོས་ཀྱི་བསམ་འཆར་ཐད་ཀར་བཤད་ཆོག་པའི་དབང་ཆ་དང་བཤད་རྒྱུའི་ལས་འགན་ཡོད་པ། བཀའ་བློན་ཆེན་པོ་ལ་གསེར་ཡིག་ཆེན་པོའི་གཟེངས་རྟགས་དང༌། བཀའ་བློན་འབྲིང་བར་གསེར་ཡིག་ཆུང་བ། བཀའ་བློན་ཆུང་བར་ཕྲ་མེན་གྱི་ཡི་གེའི་གཟེངས་རྟགས་ཡོད་ཚུལ་བཅས་གསུངས། བཀའ་ཡོ་གལ་འཆོས་པས་ལེགས་ན་དགྲའི་བུས་ལེགས་ཀྱང་བྱ་དགའ་གསོལ། ཉེས་ན་རང་གི་བུས་ཉེས་ཀྱང་ཆད་པ་གཅོད་ཅེས་པའི་བཀའ་བློན་གྱི་ལས་འགན་ནི། བཀའ་ཁྲིམས་ལག་ལེན་བསྟར་མིན་ཡོ་བསྲང་བྱེད་པ་དང་། ཉེས་དོན་དྲང་པོའི་ལམ་ནས་ཐག་གཅོད་བྱེད་པའོ། །
Domain	འཛིན་སྐྱོང་།

བཀའ་བློན་ (2)

Part of speech	མིང་ཚིག
Definition	སྲིད་གཞུང་གི་སྲིད་ཀྱི་དབང་ཆ་འཛིན་མཁན་གྱི་གནས་རིམ་མཐོ་གྲས་ཏེ། སྔར་ཞབས་པད་དང༌། ས་དབང་ཞེས་ཀྱང་འབོད།