39404

བཀའ་མགྲོན་ (1)

Part of speech

མིང་ཚིག

Definition

བཀའ་ཤག་མགྲོན་གཉེར་ཞེས་པའི་བསྡུས་མིང༌། དེ་སྔ་དགའ་ལྡན་ཕོ་བྲང་སྐབས་བཀའ་ཤག་ནང་བཀའ་མགྲོན་གསུམ་ཡོད། དེའི་ལས་འགན་ནི་ལས་ཚན་པ་ཡན་གྱི་དཔོན་རིགས་ཕྱོགས་འགྲོའི་སྐབས་ཐོན་ཕྱག་དང༌། ཕྱིར་ལོག་རྗེས་འབྱོར་ཕྱག་གི་སྙན་སེང་ཞུ་རྒྱུ་དང༌། མགྲོན་དེབ་ཐོག་གནངས་བརྡ་གཏོང་རྒྱུའི་ཐོ་འགོད་བྱ་དགོས་པ་དང༌། རྫོང་དང༌། གཞིས་སྡོད་ཀྱི་མི་འགྲོ་ཤོད་དྲུང་དཀྱུས་མ་འབྱོར་ཐོན་སྐབས་བཀའ་བློན་གྱི་བཀོད་མངགས་ལྟར་བཀའ་ཤག་འགག་ཏུ་བྱེད་སྒོའི་བཀའ་བསྒྱུར་གཏོང་རྒྱུ། བཀའ་ཤག་ནང་ཡིག་ཐོག་དང་ངག་ཐོག་གང་རུང་གིས་སྙན་ཞུ་ཕུལ་འབྱོར་བྱུང་སྐབས་འགག་ནས་བླངས་ཏེ། ཨང་ཉན་གྱིས་བཀའ་བློན་རྣམ་པར་སྙན་གསེང་ཞུ་རྒྱུ། བཀའ་བློན་རྣམས་ཀྱིས་ཉིན་རེ་ལས་དོན་གང་དང་གང་གནང་མགྲོན་དེབ་ཐོག་ཐོ་འགོད་བྱ་རྒྱུ། བཀའ་ཤག་ནས་གོང་ས་མཆོག་ལ་ཡིག་ཐོག་གི་སྙན་ཞུ་འབུལ་དགོས་རིགས་དཀར་ཆག་བཀོད་དེ། རྩེ་འགག་ཏུ་མགྲོན་ཆེར་འབུལ་རྒྱུ་བཅས་ཀྱི་འགན་ཁུར་དགོས་པ་ཡིན།