39459

བཀའ་རྟགས་ཀྱི་ཕྱག་རྒྱ་བཞི་ (1)

Part of speech	མིང་ཚིག
Definition	སྔགས། ཨ་ནུ་ཡོ་ག རྙིང་མ། བཀའ་ལས་སྣང་བ་དང། དོན་གྱི་ངོ་བོ་ཡིན་པ་དང། གཏན་ཚིགས་ཀྱིས་ཚད་མར་གྲུབ་པ་དང། རིགས་པས་ཡིད་ཆེས་པར་བྱེད་པ་བཅས་བཞི་སྟེ། གཟི་ལྡན་འཆར་ཁའི་འོད་སྣང་ལས། རྒྱལ་བ་རྫོགས་པའི་སངས་རྒྱས་ཀྱི་ངེས་པ་དོན་གྱི་བཀའ་ལུང་ལས་སྣང་བར་ངེས་པ་དང༌། ཤེས་བྱ་དང་རྟོགས་པར་བྱ་བའི་དོན་གྱི་ངོ་བོ་ཡིན་པ་དང༌། རང་རང་ལ་བདེན་པར་གྲུབ་པའི་གཏན་ཚིགས་ཀྱིས་ཚད་མར་གྲུབ་པ་དང༌། མངོན་སུམ་དང་འཐད་པ་སོགས་ཀྱི་རིགས་པ་ཡང་དག་པས་ཡིད་ཆེས་པར་བྱེད་པ་སྟེ། རྣམ་པ་བཞིས་ནོར་འཁྲུལ་དང་བྲལ་བར་ལུང་ཆེན་པོའི་གསང་དོན་དུ་ངེས་པའི་གདེངས་རྙེད་པའོ། །ཞེས་པ་ལྟར། མདོ་དགོངས་པ་འདུས་པར་བསྟན་པ་བཞི་པོ་རེ་རེ་བཞིན་དོན་ལ་ཡིད་ཆེས་པར་བྱེད་པའི་གཏན་ཚིགས་སུ་བཟུང་བའོ། །
Domain	ཆོས་ལུགས།