39560

བཀོད་པ་རྣམ་པར་འགྲེལ་བའི་ལེའུ་ (1)

Part of speech

མིང་ཚིག

Definition

མདོ་དགོངས་པ་འདུས་པའི་ལེའུ་བཞི་བཅུ་ཞེ་ལྔ་པ་ཡིན། ལེའུ་འདི་རྒྱུད་དེའི་བཤད་རྒྱུད་དུ་གཏོགས་ཤིང་། ནང་དོན་ལ་བྱུང་ཚུལ་བཅུ་གཉིས་ཀྱི་མཐའ་མ་དགོངས་པ་རྣམ་པར་བགྲོ་བའི་བྱུང་ཚུལ་ལ་ཆོས་ཀྱི་རྣམ་གྲངས་བཅུར་བགྲོ་བ་ལས། མཛོད་དུ་འཇུག་པར་བྱ་བའི་སྒོ་གསུམ་ལྡེ་མིག་བཅས་བསྟན་པ་དང་། ཡང་སྤྱོད་པའི་འདྲེན་སྒོར་འཇུག་པ་ལས་འབྱེད་པའི་ལྡེ་མིག་ཡན་ལག་དྲུག་དང། དགྲོལ་བའི་ལྡེ་མིག་མདོ་བཞི་དང། འབྱིན་པའི་ལྡེ་མིག་རྩ་བ་གསུམ་པོ་དག་བསྟན། རྒྱུད་ཆེན་པོ་འདིའི་ལུགས་ལ་ཆོས་ཉིད་བརྒྱུད་ནས་སྟོན་པ་དང་ཅར་ཕོག་ཏུ་སྟོན་པ་ལ་དྲང་དོན་ངེས་དོན་དུ་བྱས་པ་ལ་ལེའུ་འདིས་དྲང་དོན་སྟོན་ཞེས་གཟི་ལྡན་འཆར་ཁའི་འོད་སྣང་དུ་གསལ། བཀའ་འགྱུར་རྙིང་རྒྱུད་ཀ་པར་བཞུགས།