39671

བཀྲ་ཤིས་ཞབས་དྲུང་ཡེ་ཤེས་མཁས་གྲུབ་ཉི་མ་ (1)

Part of speech

མིང་ཚིག

Definition

སྐུ་འབུམ་མཆོད་གཞིས་ཟི་ན་ཚོ་བར་འཁྲུངས། འཁྲུངས་ལོ་མི་གསལ། སྒོ་མེ་རབ་འབྱམས་པ་ངག་དབང་བསམ་གཏན་བསྟེན། སྐུ་འབུམ་དཔལ་ལྡན་བཤད་སྒྲུབ་གླིང་དུ་ཞུགས། གཞུང་ཆེན་བཀའ་པོད་ལྔར་ཐུགས་གཉེར་མཛད། འགྲིག་ལམ་དང་། ཀུན་སྤྱོད། འཆད་ཉན་བཅས་ལོ་ལྔའི་རིང་གཟིགས་སྐྱོང་གནང་། རབ་བྱུང་བཅུ་བཞི་པའི་ཤིང་ཡོས་ཕྱི་ལོ ༡༨༥༥ ལོར་སྐུ་འབུམ་རྒྱུད་པའི་མཁན་ཁྲིར་བཞུགས། འཆད་ཉན་ལོ་བཞིའི་རིང་བསྐྱངས། རབ་བྱུང་བཅུ་བཞི་པའི་མེ་སྟག་ཕྱི་ལོ ༡༨༦༦ ལོར་སྐུ་འབུམ་དགོན་ཁྲིར་བཞུགས། བཙན་ཁང་ཆེན་མོའི་ཕོ་བྲང་གི་རྒྱ་མཐོངས་གདོང་སྐྱོར་ཕུབ། དེའི་སྟེང་གྱོ་མོ་གཡུའི་མདངས་ཅན་ལེགས་པར་བརྟད། ཁྲི་ཟུར་རྗེས་སོག་ཡུལ་དུ་ཕེབས། ཆོས་འཁོར་རྒྱ་ཆེར་བསྐོར། རབ་བྱུང་བཅོ་ལྔ་པའི་ཤིང་ཁྱི་ཕྱི་ལོ་ ༡༨༧༤ ལོར་སོག་ཡུལ་དུ་སྐུ་གཤེགས། སྐུ་འབུམ་སྨན་པ་དཔོན་སློབ་ཀྱི་ཁྲི་རབས་སོ་དྲུག་པ་དང་། རྒྱུད་པ་མཁན་པོའི་ཁྲི་རབས་ང་གསུམ་པ། སྐུ་འབུམ་དགོན་གྱི་གདན་རབས་ཁྲི་ཆེན་རེ་གཅིག་པ་བཅས་ཡིན།