39837

བག་ཙམ་གྱི་དགེ་འདུན་ལྷག་མ་ (1)

Part of speech	མིང་ཚིག
Definition	མདོ། འདུལ་བ། ལྷག་མ་བཅུ་གསུམ་གྱི་ནང་གསེས་ཤིག་སྟེ། གླེང་གཞི་ནི་རྒྱལ་པོའི་ཁབ་ཏུ་མཛའ་བོ་དང་ས་ལས་སྐྱེས་གཉིས་ཀྱིས་གྱད་བུ་ནོར་ལ་བྱེད་པ་པོ་དང་བྱ་བ་མ་སྦྱར་བར་དགེ་སློང་གྱད་བུ་ནོར་དང་དགེ་སློང་མ་ཨུཏྤ་ལའི་མདོག་ཀྱང་མཐོང་། མི་ཚངས་པར་སྤྱོད་པ་ཡང་མཐོང་ཞེས། ཕམ་པས་སྐུར་པ་བཏབ་པ་ལས་དགེ་འདུན་ལྷག་མར་བཅས་སོ། །དགག་བྱ་ནི་སྡོམ་པ་ལ་སྐུར་བ་བཏབ་པའི་སྒོ་ནས་རང་རིགས་ཙམ་ལ་གནོད་པའོ། །ངོ་ཏི་ནི་བཅས་ལྡན་དགེ་སློང་གིས་ལྟ་བ་རང་ཕྱོགས་ཡིན་ན་མཚན་མཐུན་རུང་མི་མཐུན་རུང་སྟེ་བསྙེན་རྫོགས་ཀྱི་སྡོམ་པ་གསོར་རུང་ཡན་ཆད་དང་ལྡན་པའམ། ལྟ་བ་གཞན་ཕྱོགས་བསྙེན་རྫོགས་ཀྱི་སྡོམ་པ་ཕམ་པས་མ་གོས་པ་དང་ལྡན་པ་ལ་བསམ་པ་ཉམས་འདུན་གྱིས་སྦྱོར་བ་གསལ་པོས་བྱེད་པ་པོ་དང་བྱ་བ་མ་སྦྱར་བར་ཕམ་པས་སྐུར་བ་བཏབ་པ་ལས་གྱུར་པའི་ལྟུང་བ་དངོས་གཞིའོ། །ངོ་ཏི་དང་ཡན་ལག་རྩིས་ནི་སྔར་གཞི་མེད་ཀྱི་སྐབས་སུ་ཇི་ལྟར་བསྟན་པ་དེ་དག་སྟེ། འདིར་ནི་བྱེད་པ་པོ་དང་བྱ་བ་མ་སྦྱར་བས་ཁྱད་པར་དུ་བྱས་སོ། །ཞེས་ཀུན་མཁྱེན་མཚོ་སྣ་བའི་མདོ་རྩའི་རྣམ་བཤད་ཉི་མའི་འོད་ཟེར་ལས་སོ། ། འདི་ལ་བཞི་ལས། གཞི་ནི་ཡུལ་བསྙེན་པར་རྫོགས་པའི་སྡོམ་པ་དང་ལྡན་པ། ཐ་སྙད་གསུམ་དང་ལྡན་པ། རྒྱུད་ཐ་དད་པའོ། །གོ་བྱའི་ཡུལ་ཐ་སྙད་ལྔ་དང་ལྡན་ཞིང་རྒྱུད་ཐ་དད་པའོ། །དངོས་པོ་ཕམ་པ་བཞིའམ་བརྒྱད་ལས་གང་ཡང་རུང་བའོ། །ཀུན་སློང་འདུ་ཤེས་སྒྱུར་བའི་དོན་ཅན་ཉམས་པར་འདུན་པས་སྐུར་བར་འདོད་པའོ། །སྦྱོར་བ་མིང་ནས་སྨོས་ཞིང། མིང་གཉིས་དངོས་སུ་མ་སྦྱར་བར་གཞན་ལ་གནས་པའི་མི་གསལ་བའི་ཚིག་གིས་སྨྲས་པའོ། །མཐར་ཐུག་སྐུར་པ་གདབ་པའི་ཡུལ་དེ་ཉིད་དམ་ཐ་སྙད་ལྔ་ལྡན་གྱིས་དོན་གོ་བའོ། །ཞེས་ཀུན་མཁྱེན་གོ་རམས་པའི་འདུལ་བའི་སྤྱི་དོན་ལས་སོ། ། བཅས་ལྡན་དགེ་སློང་གིས་ཡུལ་དགེ་སློང་གཞན་ལ་སྐུར་བ་འདེབས་པའི་གཞི་བག་ཙམ་ལ་བརྟེན་ནས་ཕམ་པ་བྱུང་བར་སྐུར་བ་འདེབས་པའི་བཅས་པའི་ཁ་ན་མ་ཐོ་བ་དེ་ཡིན་ཏེ། ཚིག་ལེ་ལས། གཞི་མེད་པའམ་བག་ཙམ་གྱིས། །སྡོམ་བརྩོན་ཉམས་པར་འདོད་ཕྱིར་ནི། །ཕས་ཕམ་པ་ཡིས་སྨད་ན་ནི། །གཉིས་ཀ་དགེ་འདུན་ལྷག་མར་ཤེས། །གང་ཞིག་ཅུང་ཟད་བདེན་པར་སྨྲ། །འདི་ནི་བག་ཙམ་ཡང་དག་བསྒྲགས། །རྒྱུ་མཚན་མེད་པ་གཞི་མེད་ཡིན། །ཞེས་གསུངས་པའི་ཕྱིར། འདི་ནི་དོགས་པ་འཇུག་པའི་གཞི་བག་ཙམ་ལ་བརྟེན་དགེ་སློང་དེ་གཉིས་ཀྱིས་གྱད་བུ་ནོར་ལ་ཕམ་པ་བྱུང་བར་སྐུར་པ་བཏབ་པ་ལ་བརྟེན་ནས་བཅས་སོ། །ཞེས་པཎ་ཆེན་ངག་ཆོས་ཀྱི་འདུལ་བའི་སྤྱི་དོན་ཐུབ་བསྟན་ཉིན་བྱེད་ལས་སོ། །
Domain	ཆོས་ལུགས།

{{#arraymap:བག་ཙམ་གྱི་དགེ་འདུན་ལྷག་མ་

|; |@@@ | | }}