40141

བཅས་རང་གཉིས་ (1)

Part of speech	མིང་ཚིག
Definition	མདོ། འདུལ་བ། ཁ་ན་མ་ཐོ་བ་འདི་གཉིས་ཀྱི་རྒྱུའི་ཁྱད་པར་ནི། དངོས་ཀྱི་ཀུན་སློང་ལས་མི་དགེ་བའི་བསམ་པས་ཀུན་ནས་བསླངས་པའི་ལྟུང་བ་ནི་རང་བཞིན་གྱི་ཁ་ན་མ་ཐོ་བ་ཡིན་ལ། དངོས་ཀྱི་ཀུན་སློང་དེ་དགེ་བའམ་ལུང་མ་བསྟན་གྱི་བསམ་པས་ཀུན་ནས་བསླངས་པའི་ལྟུང་བ་ནི་བཅས་པའི་ཁ་ན་མ་ཐོ་བ་ཡིན་ནོ། ། འདི་གཉིས་ཀྱི་ངོ་བོའི་ཁྱད་པར་ནི་ལས་མི་དགེ་བ་དང་ངོ་བོ་གཅིག་པའི་ལྟུང་བ་ནི་རང་བཞིན་གྱི་ཁ་ན་མ་ཐོ་བ་ཡིན་ལ། ལས་ལུང་མ་བསྟན་དང་ངོ་བོ་གཅིག་པའི་ལྟུང་བ་ནི་བཅས་པའི་ཁ་ན་མ་ཐོ་བ་ཡིན་ནོ། ། འདི་གཉིས་ཀྱི་འབྲས་བུའི་ཁྱད་པར་ནི་རང་གི་ངོ་བོའི་ཆ་ནས་རྣམ་པར་སྨིན་པའི་འབྲས་བུ་ཡིད་དུ་མི་འོང་བ་འབྱིན་པའི་ནུས་པ་ཡོད་པའི་ལྟུང་བ་ནི་རང་བཞིན་གྱི་ཁ་ན་མ་ཐོ་བ་ཡིན་ལ། རང་གི་ངོ་བོའི་ཆ་ནས་རྣམ་པར་སྨིན་པའི་འབྲས་བུ་ཡིད་དུ་མི་འོང་བ་འབྱིན་པའི་ནུས་པ་མེད་པའི་ལྟུང་བ་ནི་བཅས་པའི་ཁ་ན་མ་ཐོ་བ་ཡིན་ནོ། །ཞེས་ཀུན་མཁྱེན་མཚོ་སྣ་བའི་མདོ་རྩའི་རྣམ་བཤད་ཉི་མའི་འོད་ཟེར་ལས་སོ། །
Domain	ཆོས་ལུགས།