40149

བཅིངས་པ་འགྲོལ་དུ་འཇུག་པའི་སྤང་ལྟུང་ (1)

Part of speech	མིང་ཚིག
Definition	མདོ། འདུལ་བ། ཀུན་མཁྱེན་མཚོ་སྣ་བའི་མདོ་རྩའི་རྣམ་བཤད་ཉི་མའི་འོད་ཟེར་ལས། གླེང་གཞི་ནི་སྦོམ་དགའ་མོ་སྤོས་འཚོང་གི་ཁྱེའུ་ལ་ཆགས་པས། བཞིན་བཟང་རྒེའུ་ཤེར་གྱི་ཐུམ་པོ་ཆིངས་ཤིག དེ་འཆིང་བ་ལ་ཞུགས་པ་དང་། མ་ཡིན། མ་ཡིན། པི་པི་ལིང་གི་ཐུམ་པོ་ཆིངས་ཤིག བུད་མེད་ནི་བརྗེད་ངེས་པ་ཡིན་པས་བུ་རམ་གྱི་ཐུམ་བུ་ཆིངས་ཤིག མ་ཡིན། མ་ཡིན། ཤ་ཁ་རའི་ཐུམ་པོ་ཆིངས་ཤིག དེ་ལ་ཕྱི་བཞིན་འབྲང་བའི་དགེ་སློང་མས་སྨྲས་པ། དེ་ཙམ་ཡང་བརྗེད་ན་ཁྱོད་ཀྱིས་སྡེ་སྣོད་གསུམ་པོ་ལེགས་པར་སྟོན་ནམ། བླུན་མོ་ཁོ་མོས་བརྗེད་སྙམ་མམ། ཁོ་མོ་ཚིག་ཙམ་བདག་གིར་བྱེད་དོ་ཞེས་ཟེར་བ་ལས་བཅས་སོ། །དགག་བྱ་ནི་འཁྲིག་པའི་འདོད་ཆགས་འཕེལ་བའོ། །སྐྱེས་པ་ལ་ཆགས་པའི་དགེ་སློང་མས་རང་གི་ཚིག་ཉན་དུ་གཞུག་པའི་ཕྱིར་སྐྱེས་པ་འཁྲིག་པ་བསྟེན་པའི་མཐུ་ཡོད་ཅིང་དོན་གོ་བར་ནུས་པ་ལ་རྫས་ཀྱི་ཐུམ་པོ་འཆིང་དུ་བཅུག་ཅིང་བཅིངས་པ་འགྲོལ་དུ་འཇུག་པ་ལས་སྤང་བའི་ལྟུང་བྱེད་དུ་འགྱུར་བའོ། །ཞེས་གསུངས། པཎ་ཆེན་ངག་ཆོས་ཀྱི་འདུལ་བའི་སྤྱི་དོན་ཐུབ་བསྟན་ཉིན་བྱེད་ལས། དགེ་སློང་མས་ཆགས་ཡུལ་གྱི་སྐྱེ་བོ་དེ་ཚིག་ཉན་དུ་གཞུག་པའི་ཕྱིར་རང་དབང་བའི་སྤྲོག་མ་ལ་སོགས་པ་རྫས་འཇུག་པའི་ཐུམ་བུ་དེའི་ཁ་འཆིང་དུ་འཇུག་ཅིང་ཡང་ཡང་འགྲོལ་དུ་འཇུག་པའི་བཅས་པའི་ཁ་ན་མ་ཐོ་བ་དེ་ཡིན་ནོ། །ཞེས་གསུངས་སོ། །
Domain	ཆོས་ལུགས།