4030

ཁྱིམ་གྱི་བྱ་བ་བྱེད་པའི་ལྟུང་བྱེད་ (1)

Part of speech	མིང་ཚིག
Definition	མདོ། འདུལ་བ། གླེང་གཞི་ནི་སྦོམ་དགའ་མོས་ཁྱིམ་བདག་གི་ཆུང་མ་ལ་བསོད་སྙོམས་བསླངས་པ་ན། འཕགས་མ་བདག་གི་ཁྱིམ་གྱི་གོ་རེ་ལོང་མཛོད་ཅིག་ཅེས་ཟེར་བ་དང་སྦོམ་དགའ་མོས་ཁྱིམ་ཐམས་ཅད་ཆག་ཆག་ལེགས་པར་བཏབ། ཕྱག་བདར་ལེགས་པར་བྱས་ནས་མལ་བཅས། སྣོད་སྤྱད་རྣམས་བྱི་དོར་བྱས་ནས་བཞག་སྟེ་ཁྱིམ་དེ་ཐམས་ཅད་ཤིན་ཏུ་མཛེས་པར་བྱས་པ་ལ། དོན་ཉུང་བྱ་བ་ཉུང་བའི་དགེ་སློང་མ་རྣམས་སྨོད་པར་བྱེད་པ་ལས་སོ། །དགག་བྱ་ནི་དོན་དང་བྱ་བ་མང་ཞིང་མི་འོས་པའི་བྱ་བ་བྱས་པས་མ་དད་པ་སྐྱེ་བའོ། །དགེ་སློང་མས་ཁྱིམ་པ་མོས་བྱ་བར་འོས་པའི་ཁྱིམ་དུ་ཆག་ཆག་དང་ཕྱག་བདར་དང་འབྲས་དྲུ་བ་ལ་སོགས་པ་འཕྲལ་གྱི་བྱ་བ་རྣམས་བྱས་ན་ལྟུང་བྱེད་དུ་འགྱུར་རོ། །ཞེས་ཀུན་མཁྱེན་མཚོ་སྣ་བའི་མདོ་རྩའི་རྣམ་བཤད་ཉི་མའི་འོད་ཟེར་ལས་སོ། ། ཁྱིམ་དུ་ཆག་ཆག་གདབ་པ་ལ་སོགས་པ་འཕྲལ་གྱི་བྱ་བ་རྣམས་བྱེད་པ་ནི་ཁྱིམ་གྱི་བྱ་བ་བྱས་པའི་ལྟུང་བྱེད་ཡིན་ཏེ། ཁྱིམ་པ་མོའི་བཟོ་སྟོན་པའི་ལྟུང་བྱེད་དོ། །ཞེས་པཎ་ཆེན་ངག་ཆོས་ཀྱི་འདུལ་བའི་སྤྱི་དོན་ཐུབ་བསྟན་ཉིན་བྱེད་ལས་སོ། །
Domain	ཆོས་ལུགས།