40305

བཅོམ་ལྡན་འདས་དགྱེས་པ་ཆེན་པོ་ཆེ་མཆོག་ཧེ་རུ་ཀཿ་ (1)

Part of speech	མིང་ཚིག
Definition	སྒྱུ་འཕྲུལ་ཁྲོ་བོའི་ལྷ་ཚོགས་ཁྲག་འཐུང་ལྔ་བཅུ་རྩ་བརྒྱད་ཀྱི་གཙོ་བོ། དཔལ་ཆེ་མཆོག་ཧེ་རུ་ཀཿའམ། ཁྲག་འཐུང་ཆེ་མཆོག་ཧེ་རུ་ཀཿསྟེ། ཕྱོགས་བཅུའི་མུན་སེལ་ལས། གཙོ་བོ་ཆེ་མཆོག་ཏུ་བཞུགས་པའི་ཚུལ་ནི། དེ་ནས་བཅོམ་ལྡན་འདས་དགྱེས་པ་ཆེན་པོ་ཀུན་ཏུ་བཟང་པོ་ཉིད་འཇིགས་བྱེད་ཆེན་པོ་ཤིན་ཏུ་རྔམས་པའི་ཆ་ལུགས་སྐྱི་བུང་ཞེས་བྱེད་པའི་རྣམ་པ་ཡེ་ཤེས་ཀྱི་གཟི་མདངས་ཉི་མ་འབུམ་ལས་འབར་བ་ཆེན་པོའི་འོད་འཕྲོ་བ་ཁྲག་འཐུང་ཆེ་མཆོག་ཧེ་རུ་ཀཿསྐུ་མདོག་སྨུག་ནག་ལ་རྣམ་འགྱུར་ཅིར་ཡང་འགྱུར་བ། དབུ་དང་ཕྱག་ཞབས་གྲངས་མཐའ་ཡས་པ་སྟོང་ཁམས་ཀྱི་རྡུལ་སྙེད་མངའ་བའི་ཕྱག་ན་རྡོ་རྗེ་དང་། འཁོར་ལོ་ལ་སོགས་པའི་མཚོན་ཆ་སྣ་ཚོགས་འཛིན་པ་དེ། རྣམ་པར་ཐར་བའི་དབུ་གསུམ་དང་། ཕ་རོལ་ཏུ་ཕྱིན་པའི་ཕྱག་དྲུག་དང་། རྫུ་འཕྲུལ་གྱི་རྐང་པའི་ཞབས་བཞིར་གྱུར་ཏེ། འཁོར་བ་མ་སྤངས་གནས་སུ་དག་པའི་དུར་ཁྲོད་ཆེན་པོར་དགྱེས་ནས། འདོད་ཆགས་གནས་སུ་དག་པའི་ཕྱིར་ཁྲག་གི་རྒྱ་མཚོའི་ཀློང་དཀྱིལ་ན་ཞེ་སྡང་མ་སྤངས་གནས་སུ་དག་པའི་བརྡར་ཀེང་རུས་ཀྱི་ཚོགས་སྤུངས་ཤིང་བརྩེགས་པའི་རི་རབ་ཆེན་པོའི་སྟེང་ན་གཏི་མུག་གནས་སུ་དག་པའི་ཕྱིར་ཡེ་ཤེས་ཀྱི་མེ་རི་མེ་དཔུང་འབར་བ་ཆེན་པོའི་ཀློང་གི་དབུས་འཁོར་ལོ་རྩིབས་བཞི་པའི་དཀྱིལ་ན། ལྷ་དབང་ཕྱུག་ཆེན་པོ་སྟེ། མ་ཧཱ་དེ་ཝ་དང་དུར་ཁྲོད་ཀྱི་བདག་པོ་དྲེགས་པ་ཆེན་པོ་ཨུ་མ་དེ་ཝཱི་སྟེ། ཁྱོ་ཤུག་གི་གདན་ལ་གཡོན་བརྐྱངས་གཡས་བསྐུམས་སུ་བཞུགས་སོ། །ཞེས་དང་། བཅོམ་ལྡན་འདས་དགྱེས་པ་ཆེན་པོ་ཆེ་མཆོག་ཧེ་རུ་ཀའི་དགུ་ཀློང་རྔམས་པའི་ཞལ་དུ་གསོལ་བ་དང་ནང་དུ་སྙོམས་འཇུག་དགུ་བརྙེས་པའི་རྟགས་སུ་དབུ་དགུ་དང་། ཕྱིར་སྒྲོལ་གིང་བཅོ་བརྒྱད་ཀྱིས་གདུག་པ་ཅན་སྒྲོལ་བ་དང་ནང་དུ་སྟོང་ཉིད་བཅོ་བརྒྱད་ཀྱི་བརྡར་ཕྱག་བཅོ་བརྒྱད་དང་། ཕྱིར་ཚད་མེད་པ་བཞི་དང་འཕྲིན་ལས་བཞིས་སེམས་ཅན་གྱི་དོན་མཛད་ཅིང་ནང་དུ་རྣམ་པར་ཐར་པ་བརྒྱད་བརྙེས་པའི་རྟགས་སུ་ཞབས་བརྒྱད་དུ་གནས་པར་སྤྲུལ་ནས། ཞེས་གསུངས།
Domain	ཆོས་ལུགས།