40422

བཏགས་འཛིན་རྟོག་པའི་གཉེན་པོ་དགུ་ (1)

Part of speech	མིང་ཚིག
Definition	ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་བསྟན་བཅོས་མངོན་པར་རྟོགས་པའི་རྒྱན་གྱི་སྤྱི་དོན་ལས་བྱུང་བ་སྟེ། ཁ་ལོ་སྒྱུར་བ་རྟ་ཟུང་བཞི་པའི་ཤིང་རྟ་ལ་ཞོན་ཞིང་ལམ་མཉམ་པ་ནས་འགྲོ་བའི་དཔེས་ཡུམ་གྱི་ལྔ་པོའི་ཁ་ལོ་སྒྱུར་ཞིང་ཆེད་དུ་བྱ་བ་དང་མཐུན་པའི་ལམ་མཉམ་པ་ནས་འགྲོ་བ་ནི་ཆེད་བཞིན་མི་འབྱུང་བའི་གཉེན་པོའོ། །བྱང་སེམས་དང་ཉན་རང་གི་ལམ་རྣམ་མཁྱེན་གྱི་ལམ་ཡིན་མིན་དུ་གསུང་བ་ལམ་ལ་ལམ་མིན་དུ་འཛིན་པའི་གཉེན་པོའོ། །ཡུམ་གྱིས་ཆོས་གང་ཡང་མི་སྐྱེ་མི་འགོག་པ་སྐྱེ་འགག་གཉེན་པོའོ། །གཟུགས་སོགས་ཀྱི་ཆོས་ཐམས་ཅད་ལ་ལྡན་མི་ལྡན་དུ་མི་རྟོག་པར་ཡུམ་ལ་བརྩོན་པ་དངོས་པོ་ལྡན་མི་ལྡན་གྱི་གཉེན་པོའོ། །གཟུགས་སོགས་ལ་གནས་པར་བྱའོ་ཞེས་བརྩོན་པར་མི་བྱ་བ་གནས་རྟོག་གི་གཉེན་པོའོ། །ཨ་མྲའི་འབྲས་བུ་ཟ་འདོད་པས་དེའི་ས་བོན་ཆུད་མི་ཟད་བར་བྱ་བའི་དཔེས་སངས་རྒྱས་ཀྱི་རིགས་ཕྱིན་དྲུག་ལ་བསླབ་ཅིང་འདིས་སེམས་ཅན་རྗེས་སུ་བཟུང་བ་རིགས་འཇིག་པའི་གཉེན་པོའོ། །གཞན་གྱི་དྲིང་མི་འཇོག་པ་ཞིང་སྦྱང་བ་སྙིང་པོ་བྱང་ཆུབ་ལ་འདུག་པ་ཆོས་འཁོར་བསྐོར་འདོད་པ་ཕྱིན་དྲུག་ལ་བསླབ་པ་དོན་གཉེར་མེད་རྟོག་གི་གཉེན་པོའོ། །དེའི་འཐད་པར་རྒྱ་མཚོ་རིན་པོ་ཆེ་ཐམས་ཅད་ཀྱི་རྒྱུ་ཡིན་པའི་དཔེས་ཡུམ་འཕགས་པ་ཐམས་ཅད་ཀྱི་རྟོགས་པའི་རྒྱུ་ཡིན་པར་གསུངས་པ་རྒྱུ་མེད་མེད་ཀྱི་གཉེན་པོའོ། །འཕོང་གི་སློབ་དཔོན་ལག་ཚོད་དང་འཚམས་པའི་གཞུ་ཐོགས་པ་དགྲས་མི་ཐུབ་པའི་དཔེས་ཡུམ་ལ་སྤྱོད་པ་བདུད་སོགས་ཀྱིས་མི་ཐུབ་པར་གསུངས་པ་ཕྱིར་རྒོལ་བ་དམིགས་རྟོག་གི་གཉེན་པོའོ། །
Domain	ཆོས་ལུགས།