40629

བདག་ཕུང་གཞན་དུ་འདོད་པ་འགོག་པའི་རིགས་པ་ (1)

Part of speech	མིང་ཚིག
Definition	མདོ། དབུ་མ། མུ་སྟེགས་རང་ལ་གྲགས་པའི་གཏན་ཚིགས་ནི། བདག་ནི་དོན་དམ་དུ་ཡོད་པ་དང་། ངར་འཛིན་ལྷན་སྐྱེས་ཀྱི་རྟེན་ཡིན་པ་དང། ཀུན་རྫོབ་ཏུ་ཡོད་པ་གསུམ་ཆར་ཡང་མི་འཐད་དེ་མ་སྐྱེས་པའི་ཕྱིར་དཔེར་ན་མོ་གཤམ་གྱི་བུ་བཞིན། ཞེས་པའི་རང་ལ་གྲགས་ཀྱི་གཏན་ཚིགས་ཀྱིས་གནོད་ཅིང། དེ་བཞིན་དུ། ཟ་པོ་རྟག་དངོས་བྱེད་པོ་མིན་པའི་བདག། །ཡོན་ཏན་བྱ་མེད་མུ་སྟེགས་རྣམས་ཀྱིས་བརྟགས། །ཞེས་པའི་ཁྱད་པར་ཀུན་ལའང་གཏན་ཚིགས་དེ་ཉིད་ཀྱིས་གནོད་པའོ། །འགལ་འབྲེལ་ལ་བརྟེན་པའི་རིགས་པས་དགག་པ་ནི། ཕུང་པོ་ལས་དོན་གཞན་དུ་མེད་དེ། སྣང་རུང་མ་དམིགས་པའི་ཕྱིར་ཞེས་པའི་གཏན་ཚིགས་དང་། ངར་འཛིན་ལྷན་སྐྱེས་ཀྱི་བློའི་རྟེན་དུ་མི་འཐད་དེ། དེ་ལྟ་བུའི་ཁྱད་པར་རིག་པ་མེད་པར་ཡང་ངར་འཛིན་ལྷན་སྐྱེས་སྐྱེ་བ་ཡོད་པའི་ཕྱིར། ཞེས་པའི་གཏན་ཚིགས་གཉིས་ཀྱིས་གནོད་པའོ། །ཞེས་ཀུན་མཁྱེན་གོ་རམས་པས་དབུ་མའི་སྤྱི་དོན་ལས་གསུངས་སོ། །
Domain	ཆོས་ལུགས།