4063

ཁྱིམ་པ་དང་དབེན་པ་སྐྱབས་ཡོད་ན་འགྲེང་བའི་ལྟུང་བྱེད་ (1)

Part of speech	མིང་ཚིག
Definition	མདོ། འདུལ་བ། དགེ་སློང་མ་གཅིག་པུ་ཁྱིམ་པ་(འཁྲིག་པ་བསྟེན་པའི་མཐུ་ཡོད་པ། ) དང་ལྷན་ཅིག་དབེན་པ་སྐྱབས་ཡོད་པ་ན་འདོམ་གང་གི་ནང་ཚུན་ཆད་དུ་ཁྲིམས་གྲོགས་མེད་པར་འགྲེང་པ་ལ་ལྟུང་བྱེད་དུ་འགྱུར་རོ། །ཞེས་ཀུན་མཁྱེན་མཚོ་སྣ་བའི་མདོ་རྩའི་རྣམ་བཤད་ཉི་མའི་འོད་ཟེར་ལས་སོ། ། དགེ་སློང་མ་གཅིག་པུ་ཁྱིམ་པ་ཆགས་ལྡན་གཅིག་དང་དབེན་པ་སྐྱབས་ཡོད་ན་འདོམ་གང་གི་ནང་ཚུན་ཆད་ན་འདུག་གམ་འགྲེང་བ་ནི། ཁྱིམ་པ་དང་ལྷན་ཅིག་སྤྱོད་ལམ་གཅིག་པའི་ལྟུང་བྱེད་དོ། །ཞེས་པཎ་ཆེན་ངག་ཆོས་ཀྱི་འདུལ་བའི་སྤྱི་དོན་ཐུབ་བསྟན་ཉིན་བྱེད་ལས་སོ། །
Domain	ཆོས་ལུགས།