40642

བདག་མེད་ (1)

Part of speech	མིང་ཚིག
Definition	སུ་ལའང་མི་དབང་བའམ། ཁོངས་གཏོགས་ཅི་ཡང་མེད་པའི་དོན་ཏེ།
Example	བདག་མེད་རི་དྭགས་བསད་ན་ཁྲིམས་འགལ་ཡིན། བདག་མེད་ཁྱི་རྒན་ལྟ་བུ།
Antonyms	བདག་ཡོད།

བདག་མེད་ (2)

Part of speech	མིང་ཚིག
Definition	ལྟ་གྲུབ། མདོ། བྱེ་སྨྲ་ལྟར་ན། བདག་མེད་ཀྱི་དོན་ནི་གང་ཟག་རང་སྐྱ་ཐུབ་པའི་རྫས་ཡོད་ཀྱིས་སྟོང་པ་དང་། སྡུག་བསྔལ་བདེན་པའི་རྣམ་པ་བཞིའི་ནང་གི་བདག་མེད་ནི་འདུས་བྱས་སུ་འདོད་དེ། མཆིམས་མཛོད་ལས། གལ་ཏེ་དེ་བཞིན་ཉིད་ཀྱང་འདུས་མ་བྱས་མ་ཡིན་ནམ་ཅིའི་ཕྱིར་རྣམ་པ་གསུམ་དུ་བརྗོད་ཅེ་ན། དེ་བཞིན་ཉིད་ནི་བདག་མེད་པ་ལ་འདོད་ན་ཆོས་ཀྱི་བདག་མེད་ནི་སྡེ་པ་དག་གིས་མི་འདོད་ལ། གང་ཟག་གི་བདག་མེད་ནི་བདེན་བཞིའི་མི་རྟག་པ་ལ་སོགས་པ་རྣམ་པ་བཅུ་དྲུག་ལ་འདོད་པས་ན། འགོག་བདེན་གྱི་རྣམ་པ་རྣམས་ནི་སོ་སོར་བརྟགས་འགོག་གི་ངོ་བོ་ཉིད་ཡིན་ལ། བདེན་པ་གསུམ་གྱི་རྣམ་པ་རྣམས་ནི་འདུས་བྱས་ཀྱི་བདག་ཉིད་ཡིན་པའི་ཕྱིར་དེ་བཞིན་ཉིད་ཅེས་བྱ་བའི་འདུས་མ་བྱས་ལོགས་པ་ནི་མེད་དོ། །ཞེས་དང། སེར་སྨད་རྒྱལ་དབང་མཛོད་ལས། བདེན་བཞི་མི་རྟག་ལ་སོགས་རྣམ་པ་བཅུ་དྲུག་གི་ནང་ནས་འགོག་བདེན་གྱི་རྣམ་པ་བཞི་ནི་སོ་སོར་བརྟགས་འགོག་ཡིན་ལ། བདེན་པ་གཞན་གསུམ་གྱི་རྣམ་པ་རྣམས་ནི་འདུས་བྱས་སུ་བཤད་པས་སྟོང་བདག་མེད་གཉིས་ཀྱང་འདུས་བྱས་སུ་འདོད་ལ། དེ་ལྟ་ན་ཐག་ཁྲ་སྦྲུལ་གྱིས་སྟོངས་པ་དང༌། སྡུག་བསྔལ་རྟག་པས་སྟོངས་པ་སོགས་ཀྱང་འདུས་བྱས་སུ་འདོད་དགོས་ལ། ཞེས་གསུངས། དོན་གཅིག་ལ། བདག་མེད། གང་ཟག་བདག་མེད། གང་ཟག་རྫས་ཡོད་ཀྱིས་སྟོང་པ། གང་ཟག་རང་སྐྱ་ཐུབ་པའི་རྫས་ཡོད་ཀྱིས་སྟོང་པ་རྣམས་སོ།།
Domain	ཆོས་ལུགས།