4078

ཁྱིམ་པའི་སྦྱིན་པ་ (1)

Part of speech	མིང་ཚིག
Definition	མདོ། ཕར་ཕྱིན། ཐོག་མར་སྦྱིན་མི་ནུས་པ་ལས་བཟློག་པའི་དོན་དུ་ཅུང་ཟད་སྟེར་བ་ལ་བསླབ། སྟེར་ནུས་པ་རྣམས་མ་དག་པའི་སྦྱིན་པ་ལས་བཟློག་སྟེ་དག་པའི་སྦྱིན་པ་བསླབ། དག་པའི་སྦྱིན་པའང་སངས་རྒྱས་ཀྱི་རྒྱུར་མི་འགྲོ་བ་ལས་བཟློག་སྟེ་འགྲོ་བ་ལ་བསླབ་པ་སྟེ་གསུམ་ལས། དང་པོ་ནི། ཚོད་མ་ལ་སོགས་སྦྱིན་པ་ལ། །འདྲེན་པས་ཐོག་མར་སྦྱོར་བར་མཛད། །དེ་དག་གོམས་ནས་ཕྱི་ནས་ནི། །རིམ་གྱིས་རང་གི་ཤ་ཡང་གཏོང། །གང་ཚེ་རང་གི་ལུས་ལ་ནི། །ཚོད་སོགས་ལྟ་བུའི་བློས་སྐྱེས་ན། །དེ་ཚེ་ཤ་ལ་སོགས་གཏོང་བ། །དེ་ལ་དཀའ་བ་ཅི་ཞིག་ཡོད། །ཅེས་སྤྱོད་འཇུག་ལས་གསུངས་སོ། །གཉིས་པ། གང་ཟག་འགའ་ཞིག་སྦྱིན་པ་གཏོང་ནའང་དག་པ་དང་མ་དག་པ་ངོ་མི་ཤེས་པས་འཁོར་བ་དང། ངན་སོང་གི་རྒྱུར་འགྱུར་བའི་སྦྱིན་པ་གཏོང་བ་མང་པོ་ཡོད་པས་དེ་བཟློག་ལ་དག་པའི་སྦྱིན་པ་ལ་བསླབ་བོ། །གསུམ་པ། དག་པའི་སྦྱིན་པ་འགའ་ཞིག་ཀྱང་སངས་རྒྱས་ཀྱི་རྒྱུར་མི་འགྱུར་བ་ཡོད་དེ། དཔེར་ན་དགེ་བའི་རྩ་བ་འགའ་ཞིག་མཐོ་རིས་ལྷ་དང་མིའི་ཕུན་སུམ་ཚོགས་པར་འགྲོ། འགའ་ཞིག་ཉན་ཐོས་དང། རང་སངས་རྒྱས་ཀྱི་མྱ་ངན་ལས་འདས་པའི་རྒྱུར་འགྲོ་བས་དེ་བཟློག་པའི་དོན་དུ། ཐབས་ཀྱིས་མྱ་ངན་ལས་འདས་པའི་མཐའ་མནན། ཤེས་རབ་ཀྱིས་འཁོར་བའི་མཐའ་མནན། བརྩོན་འགྲུས་ཀྱི་སྟོབས་ཀྱིས་དེ་གཉིས་མྱུར་དུ་མཐར་ཕྱིན་པར་བྱས་པས་སྦྱིན་པ་གང་ཅུང་ཟད་བྱས་པ་ཐམས་ཅད་མྱུར་དུ་མངོན་པར་རྫོགས་པར་འཚང་རྒྱ་བའི་རྒྱུར་འགྱུར་བ་ལ་བསླབ་བོ། །ཞེས་ཆོས་རྗེ་ས་པཎ་གྱི་ཐུབ་པ་དགོངས་གསལ་ལས།
Domain	ཆོས་ལུགས།