41029

བདེ་བ་ (1)

Part of speech	རྒྱན་ཚིག
Definition	ལུས་ལ་ན་ཚ་མེད་པའམ། སེམས་ལ་སྡུག་བསྔལ་མེད་པར་བག་ཕེབས་པའི་དོན་ཏེ།
Example	ལུས་བདེ་བ། སེམས་བདེ་བ་ལྟ་བུ།

བདེ་བ་ (2)

Part of speech	རྒྱན་ཚིག
Definition	འཁྲུག་ཟིང་དང་གནོད་འཚེ་མེད་པའི་ལྷིང་འཇགས་ཀྱི་རྣམ་པ་སྟེ།
Example	དུས་བདེ་བ། ཡུལ་ཁམས་ཀུན་བདེ་བ་ལྟ་བུ།

བདེ་བ་ (3)

Part of speech	རྒྱན་ཚིག
Definition	རན་པོའམ་འོས་འཚམ་ཡོད་པའི་རྣམ་པ་སྟེ།
Example	ལྭ་བ་ལུས་ལ་གང་བདེ་བ་དེ་གོན་ལྟ་བུ།

བདེ་བ་ (4)

Part of speech	རྒྱན་ཚིག
Definition	བྱང་ཆ་ཡོད་པའམ་ཚུལ་དེར་མཁས་པའི་དོན་ཏེ།
Example	མི་དེ་ཁ་བདེ་བ་ལ་ལྟ་བུ།

བདེ་བ་ (5)

Part of speech	རྒྱན་ཚིག
Definition	ས་ཆ་སོགས་ཁོད་སྙོམ་པོའམ་ངོས་སྙོམ་པོ་ཡོད་པའི་རྣམ་པ་སྟེ།
Example	ལམ་བདེ་བས་འགྲོ་བདེ་ལྟ་བུ།

བདེ་བ་ (1)

Part of speech	མིང་ཚིག
Definition	མདོ། མངོན་པ། ཚོར་བ་བདེ་བ་དང། དེ་དང་མཚུངས་ལྡན་གྱི་སེམས་སེམས་བྱུང་། དེའི་ཡུལ་དང་བཅས་པ་རྣམས་ཡིན་ཏེ། མཆིམས་མཛོད་ལས། འགྲེལ་པ་ལས། དེའི་དབང་གིས་བདེ་བ་མྱོང་བར་འགྱུར་བ་ལ་སོགས་པའི་འདུ་བྱེད་རྣམས་ཀྱང་ཡིད་དུ་འོང་བ་ལ་སོགས་པའི་མིང་འཐོབ་བོ་ཞེས་འབྱུང་བས་ཚོར་བ་དེ་དག་གི་དབང་གིས་དེ་དག་དང་མཚུངས་ལྡན་གྱི་སེམས་དང་སེམས་བྱུང་གཞན་རྣམས་དང༌། མཚུངས་ལྡན་མ་ཡིན་པ་བདག་རྐྱེན་དང༌། དམིགས་རྐྱེན་རྣམས་ཀྱང་ཡིད་དུ་འོང་བ་ལ་སོགས་པའི་མིང་དུ་བརྗོད་དོ། །ཞེས་གསུངས།
Domain	ཆོས་ལུགས།

བདེ་བ་ (2)

Part of speech

མིང་ཚིག

Definition

རྒྱུ་དགེ་བ་ལས་འབྲས་བུ་བདེ་བ་འབྱུང་ཞེས་པའི་བདེ་བ་ནི་འབྲས་བུ་ཡིད་དུ་འོང་བ་ལ་བཤད་པ་ཡིན་ཏེ། སེར་སྨད་རྒྱལ་དབང་མཛོད་ལས། ཁོ་ན་རེ། རྒྱུ་དགེ་བ་བྱས་པ་ལས་འབྲས་བུ་བདེ་བ་འབྱུང་བ་བསམ་གཏན་བཞི་པ་ཡན་ཆད་ན་མེད་པར་ཐལ། དེ་ཡན་ཆད་ཀྱི་སས་བསྡུས་པའི་བདེ་བ་མེད་པའི་ཕྱིར་ཟེར་ན་མ་ཁྱབ་སྟེ། རྒྱུ་དགེ་བ་བྱས་པ་ལས་འབྲས་བུ་བདེ་བ་འབྱུང་བ་རྒྱུ་འབྲས་མི་འཁྲུལ་བ་ཡིན་པའི་ཕྱིར། དེ་ནི་ཁམས་གསུམ་ཆར་ན་ཡོད་ཅེས་སྨྲའོ། །འོ་ན་རྒྱུ་དགེ་བ་བྱས་པ་ལས་འབྲས་བུ་བདེ་བ་འབྱུང་ཞེས་པའི་བདེ་བ་དེ་བདེ་བ་མཚན་ཉིད་པ་མ་ཡིན་པར་ཐལ་ལོ་ཟེར་ན། འདོད་པ་ཡིན་ལ། དེ་ནི་རྒྱུ་དགེ་བ་སྔོན་སོང་གི་འབྲས་བུ་ཡིད་དུ་འོང་བ་ལ་བདེ་བའི་མིང་གིས་བཏགས་པ་ཙམ་ཡིན་པའི་ཕྱིར། དེ་ལ་ནི་ཟག་བཅས་དགེ་བའི་ལས་ཀྱི་རྣམ་སྨིན་གྱི་འབྲས་བུ་དང༌། རྒྱུ་མཐུན་གྱི་འབྲས་བུ་དང༌། བདག་པོའི་འབྲས་བུ་གསུམ་ཆར་འཇོག་པས་ན། དེ་གསུམ་གང་རུང་ལ་བདེ་བས་མ་ཁྱབ་པའི་ཕྱིར། ཞེས་གསུངས།