41189

བདེན་གཉིས་ཀྱི་མཚན་གཞི་ (1)

Part of speech	མིང་ཚིག
Definition	མདོ། དབུ་མ། ཡུལ་ཅན་གྱི་སྒོ་ནས་བདེན་གཉིས་ཀྱི་མཚན་གཞི་ནི། སྤྱོད་འཇུག་ལས། དོན་དམ་བློ་ཡི་སྤྱོད་ཡུལ་མིན། །བློ་ནི་ཀུན་རྫོབ་ཡིན་པར་འདོད། །ཅེས་གསུངས་པའི་ཕྱིར་དང་། ཡུལ་གྱི་སྒོ་ནས་བདེན་གཉིས་ཀྱི་མཚན་གཞི་ནི། བདེན་གཉིས་ལས། ཇི་ལྟར་སྣང་བ་འདི་ཁོ་ན། །ཀུན་རྫོབ་གཞན་ནི་གཅིག་ཤོས་ཡིན། །ཞེས་ཡུལ་གྱི་སྒོ་ནས་བཞག་པ་རྣམས་ཀྱིས་བདེན་གཉིས་ཀྱི་མཚན་གཞི་བསྟན་ཏོ། །ཡུལ་ཅན་གྱི་བློ་ནི། འཇུག་པར་བཤད་པའི་མཐོང་བ་ཡང་དག་པ་ནི་འཕགས་པའི་མཉམ་གཞག་དང་། མཐོང་བ་བརྫུན་པ་ནི་བདེན་འཛིན་གྱི་མ་རིག་པས་བསླད་པའི་བློ་ཡིན་པར་བཤད་པས། སོ་སྐྱེའི་རིགས་ཤེས་དང་། འཕགས་པ་འོག་མའི་རྗེས་ཐོབ་དེ་ཉིད་དངོས་མིན་ཀྱང་སོ་སྐྱེའི་རིགས་ཤེས་ནི་དགག་བྱ་བདེན་པ་བཀག་པའི་ཆ་ནས། མཐོང་བ་ཡང་དག་པའི་ཁོངས་སུ་བསྡུ་ཞིང་། འཕགས་པ་འོག་མའི་རྗེས་ཐོབ་ཀུན་རྫོབ་འཛིན་སྟངས་ཀྱི་གཙོ་བོར་བྱེད་པས། མཐོང་བ་བརྫུན་པའི་ཁོངས་སུ་བསྡུ་བ་གསལ་ཏེ། ཀུན་རྫོབ་བདེན་པ་དང་ཀུན་རྫོབ་ཙམ་གཉིས་སུ་དབྱེ་བ་དེ། སོ་སྐྱེའི་བདེན་འཛིན་དང་འཕགས་པ་འོག་མའི་རྗེས་ཐོབ་ཀྱི་སྒོ་ནས་དབྱེ་བར་གསུངས་པའི་ཕྱིར་རོ། །སོ་སྐྱེའི་མྱུ་གུ་བདེན་མེད་དུ་རྟོགས་པའི་རིགས་ཤེས་བསྟན་པ་དོན་དམ་རྟོགས་པའི་ཆ་ནས་མ་འཁྲུལ་པའི་ཁོངས་སུ་བསྡུ་ཡང་། དངོས་ཡུལ་ཀུན་རྫོབ་བདེན་པ་ཡིན་པས་འཕགས་པའི་མཉམ་གཞག་ལ་ལྟོས་ན་ནི་འཁྲུལ་ཤེས་ཡིན་ནོ། །ཡུལ་ལ་བདེན་གཉིས་གཞག་ཚུལ། ཡུལ་ཡུལ་ཅན་གཉིས་སུ་སྣང་བའི་ཡུལ་དང་ཡུལ་ཅན་ཐམས་ཅད་ནི་ཀུན་རྫོབ་བདེན་པ་དང་། འཕགས་པའི་མཉམ་གཞག་གིས་གཉིས་སྣང་ནུབ་པའི་ཚུལ་གྱིས་ཉམས་སུ་མྱོང་བར་བྱ་བའི་སྤྲོས་བྲལ་ནི་དོན་དམ་པའི་བདེན་པའོ། །འོན་ཀྱང་། སངས་རྒྱས་རྣམས་ཀྱིས་ཆོས་བསྟན་པ། །བདེན་པ་གཉིས་ལ་ཡང་དག་བརྟེན། །ཞེས་པ་ལྟ་བུ་འཆད་པ་པོའི་སྒྲས་བསྟན་པ་དང་། ཉན་པ་པོའི་ཐོས་བསམ་གྱི་ཡུལ་དུ་བྱས་པའི་བདེན་པ་གཉིས་ནི། ཡུལ་ཅན་གྱི་བློ་དེ་ལ་ལྟོས་ནས་བདེན་གཉིས་སོ་སོར་གཞག་ཏུ་རུང་ཡང་། འཕགས་པའི་མཉམ་གཞག་ལ་ལྟོས་ནས་གཉིས་ཀའང་ཀུན་རྫོབ་ཡིན་ནོ། །ཞེས་ཀུན་མཁྱེན་གོ་རམས་པས་དབུ་མའི་སྤྱི་དོན་ལས་གསུངས་སོ། །
Domain	ཆོས་ལུགས།

{{#arraymap:བདེན་གཉིས་ཀྱི་མཚན་གཞི་

|; |@@@ | | }}