41280

བདེན་མེད་སྒྱུ་མར་སྣང་བ་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། བདེན་མེད་སྒྱུ་མར་སྣང་བ་ནི། རྟོགས་པ་ལམ་གྱི་གཞི་ལ་གནས་ལུགས་དང་སྣང་ལུགས་གཉིས་ལས་གཉིས་པ་སྣང་ལུགས་ཏེ།
Example	རྨི་ལམ་དུ་དགྲ་དང་གཡང་ས་ལ་སོགས་པ་འཇིགས་པ་ཤར་དུས། རྨི་ལམ་དུ་ཤེས་པ་དང་། མ་ཤེས་པ་གཉིས་ཀ་ལ་སྣང་བ་དེ་མ་ལོག་པར་མཚུངས་ཀྱང་། སྡུག་བསྔལ་ལ་ཁྱད་ཡོད་དེ། རྨི་ལམ་དུ་མ་ཤེས་ན་དེའི་བར་ཉིན་དུས་དང་ཁྱད་མེད་པ་ཙམ་མྱོང་དགོས་ལ། དེ་ཉིད་རྨི་ལམ་ཡིན་པར་ཤེས་པ་རྣམས་ལ་སྣང་བ་དེ་དངོས་སུ་མ་ལོག་ཀྱང་སྡུག་བསྔལ་རང་མཚན་པ་མེད་པ་བཞིན་དུ། ཕྱི་ནང་གི་འཁྲུལ་སྣང་རང་མཚན་དུ་ཞེན་པའི་འགྲོ་བ་རྣམས་ལ་གནས་སྐབས་སུ་བདེ་སྡུག་རང་མཚན་པ་ཡོད་ཅིང་། ཡུན་རིང་པོར་འཁོར་བར་འཁྱམས་པའི་ཉེས་པ་ཡོད་ལ། རྣལ་འབྱོར་པ་ཆོས་ཐམས་ཅད་ཀྱི་གཞིའམ་གཤིས་བདེན་པ་དབྱེར་མེད་དུ་རྟོགས་ན་རྣམ་རྟོག་དང་མཚན་འཛིན་ཤས་ཆུང་བས། གནས་སྐབས་སུ་བདེ་སྡུག་ལ་སྤང་བླང་དང་ཞེན་འཛིན་རང་མཚན་པ་མེད་ཅིང་། མྱུར་དུ་འཁོར་བ་མྱང་འདས་སུ་གྲོལ་བར་ངེས་པ་བདེན་མེད་སྒྱུ་མར་སྣང་བ་ཞེས་བྱའོ། །འདིའི་སྣང་བ་དང་སེམས་སྒྱུ་མ་གཉིས་པོ་གང་གི་ནང་དུ་འདུ་ན། འཁྲུལ་སྣང་དང་ཞེན་རྟོག་གི་ཆ་རྣམས་ནི་ལོག་རྟོག་སྒྱུ་མ་ཉིད་དུ་འདུས། སོ་སོ་རང་གི་རིག་པའི་ལྟ་བ་དང་། ཏིང་ངེ་འཛིན་དང་། ཡེ་ཤེས་རྣམས་ནི་ཡང་དག་སྒྱུ་མར་འདུ་སྟེ། ཕྱིན་ཅི་ལོག་གི་བློ་ལས་འདས་པའི་རིག་པ་ཡིན་པའི་ཕྱིར་རོ། །བླ་མ་རོང་པའི་བཞེད་ཀྱིས། གནས་སྐབས་ཕྱིན་ཅི་ལོག་གི་སྒྱུ་མར་སྣང་ཡང་ངེས་པར་མི་གོལ་མི་སྲིད་པས་ཡང་དག་སྒྱུ་མའི་ས་ལ་གཏོགས་པར་བསྡུ་སྟེ། ལྕགས་ཀྱུས་ཟིན་པའི་ཉ་ཆུ་ནང་ན་གནས་ཀྱང་སྐམ་སར་གཏོགས་པ་བཞིན་ནོ་ཞེས་གསུང་ངོ་། །ཞེས་གསུངས།
Domain	ཆོས་ལུགས།

{{#arraymap:བདེན་མེད་སྒྱུ་མར་སྣང་བ་

|; |@@@ | | }}