41973

བཟོད་པ་བསྒོམས་པའི་ཕན་ཡོན་ (1)

Part of speech	མིང་ཚིག
Definition	མདོ། ཕར་ཕྱིན། ཚེ་འདི་ལ་འབྱུང་བ་ནི། གཞན་གྱི་གནོད་པ་ལ་བསྲན་ཐུབ་པས་དེ་ལ་ལན་མི་བྱེད། དེའི་སྟོབས་ཀྱིས་གཞན་གྱི་གནོད་པའི་བསམ་པ་དང་སྦྱོར་བ་རང་ཞི་བར་འགྱུར། དེ་ལྟར་གྱུར་པས་རང་གི་ལུས་སེམས་བདེ། འཕྲལ་སོ་བསོད། ཕུགས་སུ་དགྲ་ཐམས་ཅད་རང་ཞིར་འགྱུར། འཇིག་རྟེན་ཕ་རོལ་ཏུ་འགྲོ་ཡང་མི་སྐྲག་པ་ལ་སོགས་པའི་ཕན་ཡོན་དཔག་ཏུ་མེད་པ་འབྱུང་ངོ་། །ཚེ་ཕྱི་མ་ལ་འབྱུང་བའི་ཕན་ཡོན་ནི། གང་དང་གང་དུ་སྐྱེས་པར་གཟུགས་བཟང། ཚེ་རིང་ནད་མེད། མི་དང་མི་མ་ཡིན་པའི་དགྲ་མི་འབྱུང། འཁོར་ལོས་བསྒྱུར་བ་ལ་སོགས་པ་ལྷ་དང་མི་དང་ལྷའི་ཕུན་སུམ་ཚོགས་པ་ཐམས་ཅད་རང་ཤུགས་ཀྱིས་འབྱུང་སྟེ། སྤྱོད་འཇུག་ལས། འཁོར་ཚེ་བཟོད་པས་མཛེས་སོགས་དང། །ནད་མེད་པ་དང་བདེ་བ་ཡིས། །ཤིན་ཏུ་ཡུན་རིང་འཚོ་བ་དང། །འཁོར་ལོས་སྒྱུར་བའི་བདེ་རྒྱས་ཐོབ། །སྡུད་པ་ལས། བཟོད་པས་གཟུགས་བཟང་དམ་པ་རྒྱ་ཆེན་ཐོབ་འགྱུར་ཏེ། །གསེར་མདོག་སྡུག་ཅིང་འགྲོ་བས་ལྟ་བའི་འོས་སུ་འགྱུར། །ཞེས་གསུངས་པ་དང་། བཤེས་པའི་སྤྲིངས་ཡིག་ལས། ཁྲོོ་བ་སྤངས་པ་ཕྱིར་མི་ལྡོག་པ་ཉིད། །ཐོབ་པར་འགྱུར་ཞེས་སངས་རྒྱས་ཞལ་གྱིས་བཞེས། །ཞེས་གསུངས་པ་ལྟར་རོ། །མཐར་ཐུག་གི་ཕན་ཡོན་ནི། མཚན་དང་དཔེ་བྱད་ཐོབ་ཅིང་སྐྱེ་བོ་ཐམས་ཅད་ཀྱི་ཡིད་འཕྲོག་པའི་སྐུ་དང་གསུང་དུ་འགྱུར་ཏེ། མདོ་སྡེ་རྒྱན་ལས། ལུས་ཅན་ཀུན་གྱིས་ཁྱོད་མཐོང་ལ། །སྐྱེས་བུ་དམ་པ་ལགས་པར་འཚལ། །མཐོང་བ་ཙམ་གྱིས་རབ་དང་བར། །མཛད་པ་ཁྱོད་ལ་ཕྱག་འཚལ་ལོ། །ཞེས་གསུངས་པ་ལྟར་རོ། །
Domain	ཆོས་ལུགས།