42245

བར་འདའ་བ་ (1)

Part of speech	མིང་ཚིག
Definition	བར་འདའ་བའི་མཚན་ཉིད། གཟུགས་སུ་ཉེར་འགྲོའི་ཕྱིར་མི་འོང་གང་ཞིག།གཟུགས་སུ་བར་སྲིད་གཅིག་ཁོ་ན་བླངས་ནས་བར་སྲིད་ཀྱི་རྟེན་ལ་མྱང་འདས་མངོན་དུ་བྱེད་པའོ། །དབྱེ་བ་ལ། མྱུར་བར་འདའ་བ་དང་། མྱུར་བ་མ་ཡིན་པར་འདའ་བ་དང་། དུས་རིང་མོ་ཞིག་ནས་འདའ་བ་དང་གསུམ་ལས། དང་པོ་ནི། བར་སྲིད་གྲུབ་མ་ཐག་མྱ་ངན་ལས་འདའ་བ་སྟེ། དཔེར་ན་སོག་མའི་མེ་སྟག་གནམ་ལ་ཡར་མ་ཁད་ཡལ་བ་ལྟ་བུའོ། །གཉིས་པ་ནི་བར་སྲིད་གྲུབ་ནས་སྐྱེ་སྲིད་དུ་འགྲོ་འདོད་མ་སྐྱེས་ཙམ་དུ་མྱ་ངན་ལས་འདའ་བ་སྟེ། དཔེར་ན་ཞོགས་མའི་མེ་སྟག་གནམ་ལ་ཡར་ནས་ཐུར་དུ་ལྡོག་ལ་ཁད་དུ་ཡལ་བ་ལྟ་བུའོ། །གསུམ་པ་ནི་སྐྱེ་སྲིད་དུ་འཇུག་པར་བརྩམས་ནས་སྐྱེ་སྲིད་མ་ཐོབ་ཙམ་ནས་མྱ་ངན་ལས་འདའ་བ་སྟེ་དཔེར་ན་ལྕགས་ཀྱི་ཚྭ་ཚྭ་ཐུར་དུ་བཟློག་ནས། ས་ལ་མ་ལྷུང་ཙམ་དུ་ཡལ་བ་ལྟ་བུའོ། །ཡང་གང་དུ་མྱང་འདས་མངོན་དུ་བྱེད་པའི་རྟེན་གྱི་སྒོ་ནས་དབྱེ་ན་ཚངས་རིས་ཀྱི་བར་སྲིད་ཀྱི་རྟེན་ལ་མྱང་འདས་མངོན་དུ་བྱེད་པ་ནས་འོག་མིན་གྱི་བར་སྲིད་ཀྱི་རྟེན་ལ་མྱང་འདས་མངོན་དུ་བྱེད་པའི་བར་བཅུ་བདུན་དུ་ཡོད་དོ་ཞེས་ཀུན་མཁྱེན་གོ་རམས་པའི་སྐྱེས་བུ་མཆོག་གི་གསལ་བྱེད་ལས་སོ། །
Domain	ཆོས་ལུགས།

{{#arraymap:བར་འདའ་བ་

|; |@@@ | | }}

བར་འདའ་བ་ (2)

Part of speech	མིང་ཚིག
Definition	གཟུགས་སུ་ཉེར་འགྲོའི་ཕྱིར་མི་འོང་བ་ཡང་ཡིན། ཤི་འཕོས་མ་ཐག་གཟུགས་ཀྱི་བར་སྲིད་དུ་ཉིད་མཚམས་སྦྱར་ནས་བར་སྲིད་དེའི་རྟེན་ལ་མྱ་ངན་ལས་འདའ་བ་ཡང་ཡིན་པའི་གཞི་མཐུན་དུ་གྱུར་པའི་ཉན་ཐོས་དེ་གཟུགས་སུ་ཉེར་འགྲོའི་བར་འདའ་བའི་མཚན་ཉིད་ཡིན། དེ་ལ་དབྱེ་ན། མྱུར་བར་འདའ་བ། མྱུར་བར་མིན་པར་འདའ་བ། དུས་ཡུན་རིང་མོ་ཞིག་ནས་འདའ་བ་དང་གསུམ་དུ་ཡོད་དོ། །

{{#arraymap:བར་འདའ་བ་

|; |@@@ | | }}