42290

བར་སྲིད་ལྡོག་པ་ (1)

Part of speech	མིང་ཚིག
Definition	མདོ། མངོན་པ་གོང་མ། དུད་འགྲོ་ལྟ་བུའི་བར་སྲིད་གྲུབ་ཀྱང་དེའི་སྐྱེ་སྲིད་མ་གྲུབ་གོང་ནས་དུད་འགྲོའི་བར་སྲིད་ལས་ལྡོག་སྟེ་མིའི་བར་སྲིད་གྲུབ་པ་ལྟ་བུ་ཡིན་ཏེ། མཆིམས་མཛོད་ལས། ཀུན་ལས་བཏུས་ལས་ནི། ཅི་སྟེ་ན་ལྡོག་གོ །དེ་ན་གནས་པ་ཡང་ལས་གསོག་གོ་ཞེས་དམྱལ་བ་ལ་སོགས་པའི་སྲིད་པ་བར་མ་གྲུབ་ནས་མིའི་སྲིད་པ་བར་མར་འགྱུར་ཏེ་མིར་སྐྱེ་བ་ལ་སོགས་པའང་ཡོད་པར་བཤད་དེ། དེ་དག་གི་ལུགས་ལ་ནི་ཤི་འཕོས་པའི་དོན་གྱི་དགེ་བ་ནི་ཤིན་ཏུའང་འབྲས་བུ་དང་བཅས་པ་ཡིན་ནོ། །ཞེས་གསུངས། དེའི་གནད་ཀྱིས་རྟེན་འབྲེལ་ཡན་ལག་བཅུ་གཉིས་ཚེ་བཞི་ལ་རྫོགས་པ་ཡོད་དེ། སེར་སྨད་རྟེན་འབྲེལ་མཐའ་དཔྱོད་ལས། ཡང༌ཚེ་མི་འདྲ་བ་བཞི་ལ་རྫོགས་ནུས་ཏེ། མིའི་རྟེན་ལ་ལྷའི་རྣམ་སྨིན་གྱི་ཕུང་པོ་འཕེན་བྱེད་ཀྱི་ལས་བསགས། ལས་དེ་ལ་སྲེད་ལེན་གང་རུང་གིས་གསོས་མ་བཏབ་པར་ལས་གཞན་གྱི་དབང་གིས་མིར་སྐྱེ་བ་བླངས། རྟེན་དེ་ལ་ལྷའི་རྣམ་སྨིན་གྱི་ཕུང་པོ་འཕེན་བྱེད་ཀྱི་ལས་དེ་ལ་སྲེད་པས་གསོས་བཏབ་ལེན་པས་གསོས་མ་བཏབ་པར་ལས་གཞན་གྱི་དབང་གིས་མིར་སྐྱེ་བ་བླངས། རྟེན་དེ་ལ་སྔར་གྱི་ལས་དེ་ལ་ལེན་པས་གསོས་བཏབ་སྲིད་པས་ནུས་པ་མཐུ་ཆེན་དུ་བྱས་ནས་ལྷར་སྐྱེ་བ་བླངས་པ་ན། ཡན་ལག་བཅུ་གཉིས་པོ་དེ་ཚེ་མི་འདྲ་བ་བཞི་ལ་རྫོགས་པ་ཡིན་པའི་ཕྱིར་ཏེ། ཡན་ལག་དང་པོ་གཉིས་མིའི་ཚེ་དང་པོ་ལ་རྫོགས། སྲེད་པ་མིའི་ཚེ་གཉིས་པ་དང༌། ལེན་པ་དང་སྲིད་པ་མིའི་ཚེ་གསུམ་པ་དང༌། ལྷག་མ་བདུན་ལྷའི་ཚེ་ལ་རྫོགས་པ་ཡིན་པའི་ཕྱིར། ལྷའི་རྣམ་སྨིན་གྱི་ཕུང་པོ་འཕེན་བྱེད་ཀྱི་ལས་ལ་སྲེད་པས་གསོས་བཏབ་ལེན་པས་གསོས་མ་བཏབ་པར་ཤི་འཕོ་བ་ཡོད་པར་ཐལ། དེའི་རྟེན་ལ་བདག་ཆད་དོགས་ཀྱི་འཇིགས་པས་ཕུང་པོ་ལ་སྲེད་པའི་སྲེད་པ་སྐྱེས། སྲེད་པ་དེས་ལྷའི་རྣམ་སྨིན་གྱི་ཕུང་པོ་འཕེན་བྱེད་ཀྱི་ལས་ལ་གསོས་བཏབ་ལེན་པས་གསོས་མ་བཏབ་པར་ཤི་འཕོས་ལྷའི་བར་སྲིད་དུ་སྐྱེ་བ་བླངས། སྐྱེ་སྲིད་དུ་སྐྱེ་བ་མ་བླངས་པར་མིར་སྐྱེ་བ་ཡོད་པའི་ཕྱིར་ཏེ། ལྷའི་བར་སྲིད་དུ་སྐྱེ་བ་བླངས་ན། ལྷའི་སྐྱེ་སྲིད་དུ་སྐྱེ་བ་ལེན་པས་མ་ཁྱབ་པའི་ཕྱིར། ཀུན་ལས་བཏུས་ལས། ཅི་དེ་ན་ལྡོག་གོ །དེ་ན་གནས་པས་ཀྱང་ལས་གསོག་གོ །ཞེས་གསུངས་པའི་ཕྱིར།
Domain	ཆོས་ལུགས།

{{#arraymap:བར་སྲིད་ལྡོག་པ་

|; |@@@ | | }}