42551

བརྗོད་བྱ་དོན་གྱི་ཤེར་ཕྱིན་ (1)

Part of speech	མིང་ཚིག
Definition	མདོ། ཕར་ཕྱིན། ཤེས་རབ་ཕ་རོལ་ཏུ་ཕྱིན་པ་ནི་རང་གི་ངོ་བོ་སྨྲ་བསམ་བརྗོད་པའི་ཡུལ་ལས་འདས་པས་བློས་ཡུལ་དུ་བྱས་པའི་སྒོ་ནས་བསམ་དུ་མེད་ཅིང་། བརྗོད་པ་ཚིག་གིས་ཇི་ལྟ་བ་བཞིན་དུ་བརྗོད་དུ་ཡང་མེད་དེ། མདོར། ཟབ་ཞི་སྤྲོས་བྲལ་འོད་གསལ་འདུས་མ་བྱས། །བདུད་རྩི་ལྟ་བུའི་ཆོས་ཤིག་ཁོ་བོས་རྙེད། །སུ་ལ་བསྟན་ཀྱང་གོ་བར་མི་ནུས་པས། །མི་སྨྲ་ནགས་ཀྱི་ཁོངས་སུ་གནས་པར་བྱ། །ཞེས་དང་། རང་གི་ངོ་བོ་དེ་ལྟར་ཡིན་ཀྱང་གདུལ་བྱས་རྟོགས་པའི་དོན་དུ་ཐ་སྙད་དུ་རྗེས་སུ་མཐུན་པ། བློའི་ཡུལ་དུ་བྱས་པའི་སྒོ་ནས་བསམ་དུ་ཡོད་ཅིང་བརྗོད་པ་ཚིག་གིས་བསྟན་དུ་ཡང་ཡོད་དེ། ཇི་སྐད་དུ། སློབ་མ་བཟང་པོ་བླ་མ་གུས་ལྡན་དེ་དག་གིས། །བླ་མ་མཁས་པ་རྣམས་ལ་རྟག་ཏུ་བསྟེན་པར་བྱ། །ཅི་ཕྱིར་ཞེ་ན་མཁས་པའི་ཡོན་ཏན་དེ་ལས་འབྱུང་། །དེ་དག་ཤེས་རབ་ཕ་རོལ་ཕྱིན་པ་རྗེས་སུ་སྟོན། །ཞེས་གསུངས་པའི་ཕྱིར། དེས་ན་བརྗོད་པ་དང་བྲལ་བའི་ཤེར་ཕྱིན། སོ་སོ་རང་གིས་རིག་པའི་ཡེ་ཤེས་ཀྱིས་མངོན་དུ་བྱ་བའི་ཆེད་དུ་སྟོན་པ་ཡང་དག་པར་རྫོགས་པའི་སངས་རྒྱས་ཀྱིས་གདུལ་བྱ་རྣམས་ལ་ཐ་སྙད་དུ་ཚིག་གི་སྒོ་ནས་རྗེས་སུ་མཐུན་པ་བསྟན་པའི་ཚུལ་ལ། ཤེར་ཕྱིན་སྟོང་ཕྲག་བརྒྱ་པ་ལ་སོགས་པ་དུ་མ་གསུངས་སོ་ཞེས་ཀུན་མཁྱེན་གོ་རམས་པས་སྦས་དོན་ཟབ་མོ་ལས་གསུངས།
Domain	ཆོས་ལུགས།