4276

ཁྱེའུ་སྣང་བྱེད་ (1)

Part of speech	མིང་ཚིག
Definition	ཁྱེའུ་སྣང་བྱེད་ནི། སྟོན་པ་རྣམ་འདྲེན་བཞི་པའི་སྐྱེ་ཕྲེང་ཞིག་སྟེ། དཔལ་གསང་བ་སྙིང་པོའི་རྒྱུད་དོན་གསལ་བྱེད་མེ་ལོང་ལས། སེམས་ཅན་དམྱལ་བའི་གནས་སུ་ལྕགས་བསྲེགས་ཀྱི་ས་གཞིའི་སྟེང་ན་ཤིང་རྟ་འདྲེན་པའི་གྱད་ཞིག་ཏུ་སྐྱེས་པར་གྱུར་པ་ལས། དེ་སྡུག་བསྔལ་གྱི་ཚོར་བས་བདག་གི་ལུས་ལ་གནོད་པར་གྱུར་པས་རང་གི་སྡུག་བསྔལ་ལ་དཔགས་ནས། ཤིང་རྟ་ཆེན་པོ་འདྲེན་པའི་གྲོགས་བྱེད་པའི་གྱད་གཅིག་ལ་མཉམ་པ་མེད་པའི་སྙིང་རྗེ་སྐྱེས་ནས་གཤིན་རྗེའི་སྐྱེས་བུ་ལ་འདིའི་ཁུར་བདག་གིས་འཁུར་བར་ཅི་གནང་ཞེས་ཞུས་པས། དེ་རབ་ཏུ་ཁྲོས་ནས་རང་གི་ལས་ཀྱི་འབྲས་བུ་ལ་ལོངས་སྤྱོད་པ་ལ་ཁྱོད་ཀྱིས་ཅི་བྱར་ཡོད་ཟེར་ནས་མགོ་ལ་ལྕགས་ཀྱི་ཐུ་ལུམ་གྱིས་བསྣུན་ཏོ། །དེ་དེ་ཉིད་དུ་ཤི་ནས་ལྷར་སྐྱེས་སོ། །དེར་ལོ་མང་པོ་ལྷའི་བདེ་བ་ལ་ཉམས་སུ་མྱོང་ཞིང་ཤི་འཕོས་ནས་མིའི་ནང་དུ་རྫ་མཁན་སྤད་པ་འོད་ཀྱི་བུ་ཁྱེའུ་སྣང་བྱེད་ཅེས་བྱ་བར་གྱུར་ཏོ། །དེའི་ཚེ་སངས་རྒྱས་ཐུབ་པ་ཆེན་པོ་ལ་བྱང་ཆུབ་ཀྱི་མཆོག་ཏུ་སེམས་བསྐྱེད་པ་དེ་ནས་བརྩམས་ནས་བསྐལ་པ་ཆེན་པོ་གྲངས་མེད་པ་གསུམ་གྱི་བར་དུ་ཚོགས་བསགས་སྒྲིབ་པ་སྦྱངས། ཞེས་གསུངས།
Domain	ཆོས་ལུགས།