42809

བརྡ་སྦྱོར་བའི་ཡུལ་ (1)

Part of speech	མིང་ཚིག
Definition	དངོས་པོ་ལ་སྒྲ་མི་སྦྱོར་བར་གཞན་སེལ་ལ་སྒྲ་སྦྱོར་བའི་རྒྱུ་མཚན་ནི། ཡལ་ག་ལ་སོགས་དང་མི་ལྡན་པའི་རྡོ་བ་ལ་སོགས་པ་གཞན་དུ་ཤིང་གི་སྒྲ་མ་མཐོང་། ཡལ་ག་ལ་སོགས་པ་དང་ལྡན་པ་གཞན་ཙནྡན་ལ་སོགས་པ་ལ་ལར་ཤིང་གི་སྒྲ་དེ་མཐོང་བས་རིས་མཐུན་པ་ལ་སྒྲ་མཐོང་། མི་མཐུན་པ་ལ་མ་མཐོང་བ་གཉིས་ལ་བརྟེན་ནས་སྒྲ་དེ་སྦྱོར་དགོས་པས། གཞན་སེལ་དང་འབྲེལ་གྱི་དངོས་པོ་དང་མི་འབྲེལ་ལོ། །གལ་ཏེ་སྒྲ་དངོས་པོ་དང་འབྲེལ་ན་དེ་ཉིད་ལ་སྦྱར་བས་གོའི་གཞན་ལ་མེད་པ་ལ་ལྟོས་མི་དགོས་པའི་ཕྱིར་རོ། །དེ་ཕྱིར་རིགས་སོགས་དེ་ལྡན་ནི། །ཡོད་མིན་དོན་དང་དེ་དག་ལ། །མཉན་པ་འབྲེལ་མིན་གཞན་ལས་ནི། །ལྡོག་པ་ཉིད་ལ་སྒྲ་སྦྱོར་ཕྱིར། །ཞེས་གསུངས་པས་སོ། །དེས་ན་དོན་རང་གི་མཚན་ཉིད་དང་རིགས་ལ་སོགས་པ་དེ་དག་ལ་སྒྲ་སྦྱོར་མི་སྲིད་ཀྱི། ལྡོག་པ་ཉིད་ལ་སྒྲ་སྦྱོར་བར་གསུངས་སོ། །འཁྲུལ་པས་ཕྱི་རོལ་དུ་ཞེན་པའི་ཆ་ལ་བརྡ་སྦྱོར་ཚུལ། རང་མཚན་ལྡོག་པ་བརྗོད་བྱ་མིན། །འཁྲུལ་པས་བརྟགས་པ་དངོས་མེད་ཡིན། །དེས་ན་རྟོག་པའི་གཟུགས་བརྙན་ལ། །འཇིག་རྟེན་གཞུག་ཕྱིར་སྦྱར་བར་ཟད། །རྣམ་པ་དེ་སྣང་བའི་ཤེས་པ་རང་མཚན་གྱི་ཆ་བརྗོད་བྱ་མ་ཡིན་གྱི་འཁྲུལ་པས་ཕྱི་རོལ་དུ་ཞེན་པའི་ཆ་ལ་བརྡ་སྦྱོར་ལ། སྦྱར་བར་བྱ་བའི་ཡུལ་མེད་མོད་ཀྱི་འཇིག་རྟེན་པ་རྣམས་གཞུག་པའི་ཕྱིར་དོན་སྤྱི་ལ་བརྡ་སྦྱར་ཞེས་བརྗོད་པར་ཟད་དེ། རྣམ་འགྲེལ་ལས། ཕྱི་རོལ་ནུས་པ་རྣམ་གཅོད་ལ། །རེག་པ་མེད་ཀྱང་སྒྲ་དེ་དང་། །རྣམ་པར་རྟོག་པའི་གཟུགས་བརྙན་ནི། །དེ་ཡི་མཐར་ཐུག་རྣམས་དང་འབྲེལ། །དེས་ན་གཞན་སེལ་མཐར་ཐུག་ཕྱིར། །མཉན་པ་གཞན་སེལ་བྱེད་པ་བརྗོད། །ལྡོག་པ་བཞིན་དུ་སྒྲ་དག་ལས། །ཤེས་པ་གཞན་གྱི་གཟུགས་བརྙན་སྣང་། །གང་དེའང་དོན་གྱི་བདག་ཉིད་མིན། །དེ་འཁྲུལ་བག་ཆགས་ལས་བྱུང་ཡིན། །ཞེས་བྱ་བ་དང། དོན་གྱི་ངོ་བོ་ཉིད་ཀྱིས་སྤྱི། །ཀུན་ལ་ངོ་བོ་མཚུངས་ཕྱིར་དང་། །དེ་ལྡོག་པ་ལ་བརྟེན་ཕྱིར་རོ། །བརྗོད་བྱ་ཉིད་ཕྱིར་དེ་དངོས་མིན། །ཞེས་གསུངས་སོ། །ཞེས་འཇམ་མགོན་ས་པཎ་གྱི་རིགས་གཏེར་རང་འགྲེལ་ལས་སོ། །
Domain	ཚད་མ།

{{#arraymap:བརྡ་སྦྱོར་བའི་ཡུལ་

|; |@@@ | | }}