43007

བརྩོན་འགྲུས་ཡོངས་སུ་དག་པ་བཅུ་ (1)

Part of speech	མིང་ཚིག
Definition	ཕལ་ཆེན་ལེའུ་ཞེ་གསུམ་པ་ལས་བྱུང་བ་སྟེ། ༡ འདི་ལྟར་སངས་རྒྱས་དང་། བྱང་ཆུབ་སེམས་དཔའ་དང་། སློབ་དཔོན་དང་། བླ་མ་དང་། སྦྱིན་པའི་གནས་ཐམས་ཅད་ལ་ལྡང་ཞིང་བསྙེན་བཀུར་དང་། རིམ་གྲོ་བྱ་བ་ལས་མི་ལྡོག་པའི་ཕྱིར། ལུས་ཀྱིས་བརྩམས་པ་ཡོངས་སུ་དག་པའི་བརྩོན་འགྲུས། ༢ དེ་བཞིན་གཤེགས་པ་ཐམས་ཅད་ཀྱིས་གསུངས་པ་མཉན་པ་དང་། དྲན་པར་བྱ་བ་དང་། གཟུང་བ་དང་། དེ་བཞིན་གཤེགས་པ་ཐམས་ཅད་ཀྱི་ཡོན་ཏན་དང་། བསྔགས་པ་རབ་ཏུ་བརྗོད་པ་དང་། ཇི་སྐད་དུ་ཐོས་པའི་ཆོས་རྣམས་སེམས་ཅན་ཐམས་ཅད་ལ་སྟོན་པས་མི་སྐྱོ་བའི་ཕྱིར། ངག་གིས་བརྩམས་པ་ཡོངས་སུ་དག་པའི་བརྩོན་འགྲུས། ༣ བྱམས་པ་དང་། སྙིང་རྗེ་དང་། དགའ་བ་དང་། བཏང་སྙོམས་དང་། བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་ལ་སྙོམས་པར་འཇུག་ཅིང་ལྡང་བ་ལ་མཁས་པ་ལས་མི་ལྡོག་པའི་ཕྱིར། སེམས་ཀྱིས་བརྩམས་པ་ཡོངས་སུ་དག་པའི་བརྩོན་འགྲུས། ༤ གཡོ་དང་སྒྱུ་མེད་པ་དང་། རང་བཞིན་གྱིས་དྲང་ཞིང་འཆོས་པ་མེད་དེ། སྦྱོར་བའི་བརྩམས་པ་ཐམས་ཅད་ལས་མི་ལྡོག་པའི་ཕྱིར། བསམ་པ་ཞུམ་པ་མེད་པས་ཡོངས་སུ་དག་པའི་བརྩོན་འགྲུས། ༥ རྟག་ཏུ་རྒྱུན་མི་འཆད་པར་གོང་ནས་གོང་དུ་ཁྱད་པར་དུ་འགྲོ་ཞིང་མངོན་སུམ་གྱི་ཡེ་ཤེས་ཀྱི་སྣང་བས། དགེ་བའི་ཆོས་ཐམས་ཅད་ལ་ལྷག་པར་དམིགས་པའི་ཕྱིར། ལྷག་པའི་བསམ་པ་ཡོངས་སུ་དག་པའི་བརྩོན་འགྲུས། ༦ སྦྱིན་པ་དང་། དུལ་བ་དང་། སྡོམ་པ་དང་། ངེས་པ་དང་། ཚུལ་ཁྲིམས་དང་། ཐོས་པ་དང་། གཏོང་བ་དང་། བག་ཡོད་པས་ཤིན་ཏུ་བཟུང་ཞིང་ཐོགས་པ་མེད་པར་སྙིང་པོ་བྱང་ཆུབ་ཏུ་འགྲོ་བའི་ཕྱིར། ཐོགས་པ་མེད་ཅིང་དོན་ཡོད་པས་ཡོངས་སུ་དག་པའི་བརྩོན་འགྲུས། ༧ འདོད་ཆགས་དང་། ཞེ་སྡང་། གཏི་མུག་དང་། འདོད་པའི་འཁྲུག་པ་དང་། ཉོན་མོངས་པ་དང་། ལྟ་བ་དང་། ཀུན་ནས་བསྐོར་བ་དང་། སྒྲིབ་པ་དང་། བར་དུ་གཅོད་པ་ཡོངས་སུ་ཆད་པའི་ཕྱིར། བདུད་ཀྱི་དགྲ་ཐམས་ཅད་དང་བྲལ་བས་ཡོངས་སུ་དག་པའི་བརྩོན་འགྲུས། ༨ ཤེས་རབ་དང་། རབ་ཏུ་ཤེས་པ་དང་། ཤིན་ཏུ་ཁོང་དུ་ཆུད་པ་དང་། ལེགས་པར་བྱས་པས། འགྱོད་པ་མེད་པར་བརྩོན་པ་ཐམས་ཅད་མཐར་ཕྱིན་པར་བྱ་བ་དང་། སངས་རྒྱས་ཀྱི་ཆོས་མ་འདྲེས་པ་རབ་ཏུ་ཐོབ་པར་བྱ་བའི་ཕྱིར། ཡེ་ཤེས་སྣང་བ་ཡོངས་སུ་བསྒྲུབས་པས་ཡོངས་སུ་དག་པའི་བརྩོན་འགྲུས། ༩ སེམས་ཀྱི་འཛིན་པ་དང་། ཡོངས་སུ་འཛིན་པ་ཐམས་ཅད་སྤངས་པས་ལུས་དང་། ངག་དང་། སེམས་ཀྱིས་བརྩམས་པ་མཚན་མ་དང་། མཚན་མ་མེད་པ་མཉམ་པས་སྒོ་ཀུན་ནས་ལྡན་པའི་ཆོས་ཀྱི་དབྱིངས་ཤིན་ཏུ་རྟོགས་ཤིང་ཇི་ལྟ་བ་བཞིན་དུ་ཤེས་པས་ཁོང་དུ་ཆུད་པའི་ཕྱིར། བླང་བ་མེད་པ་དང་། དོར་བ་མེད་པས་ཡོངས་སུ་དག་པའི་བརྩོན་འགྲུས། ༡༠ ས་དང་ས་མ་ཡིན་པ་ལས་ཡང་དག་པར་འདས་ཏེ། སངས་རྒྱས་ཐམས་ཅད་ཀྱི་དབང་བསྐུར་བ་ཡང་དག་པར་མནོད་པ་དང་། སངས་རྒྱས་ཐམས་ཅད་ཀྱི་སྐུ་ཟག་པ་མེད་པ་དང་། འཆི་འཕོ་བ་དང་། སྐྱེ་བ་དང་། འབྱུང་བ་དང་། རྣམ་པར་འཚང་རྒྱ་བ་དང་། ཆོས་ཀྱི་འཁོར་ལོ་བསྐོར་བ་དང་། ཡོངས་སུ་མྱ་ངན་ལས་འདའ་བ་ཆེན་པོ་ཡོངས་སུ་བསྟན་པ་དང་། ཀུན་ཏུ་བཟང་པོའི་རྣམ་པ་ཡོངས་སུ་རྫོགས་པའི་ཕྱིར། ཆོས་ཀྱི་སྣང་བ་ཡོངས་སུ་རྫོགས་པས་ཡོངས་སུ་དག་པའི་བརྩོན་འགྲུས་སོ། །
Domain	ཆོས་ལུགས།

{{#arraymap:བརྩོན་འགྲུས་ཡོངས་སུ་དག་པ་བཅུ་

|; |@@@ | | }}