43399

བཤེས་གཉེན་འཇམ་དཔལ་གྲགས་པ་ (1)

Part of speech

མིང་ཚིག

Definition

ཁོང་ནི། ཀུན་མཁྱེན་པདྨ་དཀར་པོའི་དངོས་སློབ་ཡིན། འཁྲུངས་ཡུལ་ལོ་གྲོ་དོལ་དུ་འཁྲུངས། (ཀུན་མཁྱེན་ཆེན་པོ་རབ་བྱུང་དགུ་པའི་མེ་ཕག་ ༡༥༢༧ ལོར་འཁྲུངས། ) གཞོན་ནུ་ནས་རབ་ཏུ་བྱུང༌། ཀུན་མཁྱེན་རྒྱལ་བའི་དབང་པོ་བཀྲ་ཤིས་མཐོང་སྨོན་གྱི་གཙུག་ལག་ཁང་ཆེན་པོར་བཞུགས་དུས་ཞབས་དྲུང་དུ་སླེབས། བྱང་སྟོན་གཞུང་བརྒྱ་སྨྲ་བ་ཆོས་ཀྱི་དཔལ་བཟང་བསྟེན་ནས་མདོ་ཕྱོགས་ཀྱི་གསན་པ་མཐར་ཕྱིན། དབང་ཁྲིད་རྒྱུད་བཤད་མ་ལུས་པ་ཐམས་ཅད་མཁྱེན་པ་ཉིད་ལ་རྫོགས་པར་གསན། རྒྱལ་བྱེད་ཚལ་གྱི་མདོ་གྲྭའི་སློབ་དཔོན་དུ་བཀོད་པ་གནང༌། གཞི་གསུམ་གྱི་ཆོ་ག་ཕན་བདེའི་གཉེན་ཞེས་བྱ་བའང་འདི་ཉིད་ཀྱི་དོན་དུ་མཛད། མདོ་གྲྭ་གཉིས་སུ་འཆད་ཉན་ལེགས་པར་མཛད་པས། བཤེས་གཉེན་མང་དུ་ཐོན། ཀུན་སྤངས་མཛད་ནས་བཞུགས་སྒར་དུ་བསྙེན་རྫོགས་སྒྲུབ་པ་མང་པོའི་ལས་སློབ་དང༌། ཁྲིད་གཉེར་བ་མཐར་གྱི་བར་མཛད། ཁྲིད་གསར་པ་ཕལ་གྱིས་ཞབས་ལ་གཏུགས། དབེན་པ་བསྟེན་པར་བཞེད་ནས། རྗེ་བཙུན་རས་ཆུང་ཞབས་ཀྱི་གདན་ས་དཔལ་ཚེ་གོང་ལྷ་རྩེ་ཐེག་ཆེན་ཕོ་བྲང་དུ་སྒྲུབ་པ་དང་འགྲོ་ཕན་སྟབས་སུ་མཛད་ཅིང་། ཕྱིས་རྒྱལ་དབང་དཔག་བསམ་དབང་པོའི་ཡོངས་འཛིན་དུ་ཕེབས། དགུང་ལོ་དོན་གཉིས་བར་འབྲལ་མེད་དུ་བཞུགས། ཞི་བར་གཤེགས་ནས་སྐུ་སྐྱེ་སྡེ་པ་གྲོན་པའི་སྲས་སུ་འཁྲུངས་པར་རྒྱལ་དབང་དཔག་བསམ་དབང་པོས་ངོས་འཛིན་ཏེ། མཚན་ངག་དབང་ལེགས་བཤད་ཡོངས་འདུར་གསོལ་བར་བཤད་དོ། །