43537

བསམ་གཏན་གྱི་རྫུ་འཕྲུལ་ལས་སྐྱེ་བའི་ཆོ་འཕྲུལ་ (1)

Part of speech	མིང་ཚིག
Definition	སྔགས། ཨ་ནུ་ཡོ་ག རྙིང་མ། མདོ་དགོངས་པ་འདུས་པར་ཆོ་འཕྲུལ་བཞིར་གསུངས་པའི་ཡ་གྱལ་ཞིག་སྟེ། ལམ་བསམ་གཏན་གྱི་རྫུ་འཕྲུལ་ལས་གདུལ་བྱའི་སྣང་བ་སྐྱེ་བའི་ཕྱིར་བསམ་གཏན་གྱི་རྫུ་འཕྲུལ་ལས་སྐྱེ་བའི་ཆོ་འཕྲུལ་ཞེས་བྱ། གཟི་ལྡན་འཆར་ཁའི་འོད་སྣང་ལས། གང་ཡང་དག་པའི་ཏིང་ངེ་འཛིན་བསམ་གཏན་གྱི་ནུས་པའི་རྩལ་ཅིར་ཡང་འབྱུང་བའི་རྫུ་འཕྲུལ་གྱི་རྒྱུ་ལས་ལམ་སྣང་གི་སྐྱེ་བའི་ཆོ་འཕྲུལ་སྣ་ཚོགས་སུ་བཀོད་པ་ཉིད་གང་ཞེ་ན། འདི་ལྟ༷་སྟེ། གང་གསལ་ལ་མི་གཡོ་བའི་བསམ་གཏན་གྱི་མུ་བཞི་གཡོ་ཐོབ་གོམས་བརྟན་ལས་དྲོད་དང་རྟགས་དང་ཆོ་འཕྲུལ་དང་མངོན་པར་ཤེས་པ་སྐྱེ་བ་ཐམས་ཅད་དོ། །གཞན་དུ་ན། སྣང་བ་མ་ངེས་པ་བཞི་ནི། བརྟགས་པས་ཤེས་རབ་སྐྱེ་བ་དང༌། བརྩལ་བས་གོམས་པ་སྐྱེ་བ་དང༌། བསྒྲུབས་པས་འབྲས་བུ་སྐྱེ་བ་དང༌། བསྒོམས་པས་དྲོད་དང་རྟགས་རྣམས་སྐྱེ་བའོ། །ཞེས་གསུངས།
Domain	ཆོས་ལུགས།