43543

བསམ་གཏན་གྱི་སྙོམས་འཇུག་ཉོན་མོངས་ཅན་ (1)

Part of speech	མིང་ཚིག
Definition	མཚན་ཉིད་ནི། རང་སའི་ཉོན་མོངས་པ་དང་མཚུངས་པར་ལྡན་པའི་བསམ་གཏན་གྱི་སས་བསྡུས་ཀྱི་སེམས་རྩེ་གཅིག་པ་མཚུངས་ལྡན་དང་བཅས་པའོ། །དབྱེ་ན་བཞི་སྟེ། སྲེད་པ་དང་། ལྟ་བ་དང་། ང་རྒྱལ་དང་། ཐེ་ཚོམ་ཤས་ཆེ་བའི་བསམ་གཏན་གྱི་སྙོམས་འཇུག་ཉོན་མོངས་ཅན་ནོ། །དང་པོའི་མཚན་ཉིད། ཤིན་ཏུ་སྦྱངས་པའི་བདེ་བའི་རོ་མྱོང་བའི་སྲེད་པ་དང་མཚུངས་པར་ལྡན་པའི་བསམ་གཏན་གྱི་སས་བསྡུས་ཀྱི་སེམས་རྩེ་གཅིག་པ་མཚུངས་ལྡན་དང་བཅས་པའོ། །གཉིས་པའི་མཚན་ཉིད། སྔོན་གྱི་མཐའ་ལ་རྟོག་པ་ལ་སོགས་པ་རང་སའི་ལྟ་བ་དང་མཚུངས་པར་ལྡན་པའི་སོགས་སོ། །གསུམ་པའི་མཚན་ཉིད། ཡོན་ཏན་མ་ཐོབ་པ་ལ་ཐོབ་བོ་སྙམ་པའི་རང་སའི་མངོན་པའི་ང་རྒྱལ་དང་སོགས་སོ། །བཞི་བའི་མཚན་ཉིད། ཐར་པ་ལ་ཡིད་གཉིས་ཟ་བ་སོགས་ཀྱི་རང་སའི་ཐེ་ཚོམ་དང་མཚུངས་པར་ལྡན་པའི་བསམ་གཏན་གྱི་སས་བསྡུས་ཀྱི་སེམས་རྩེ་གཅིག་པ་མཚུངས་ལྡན་དང་བཅས་པའོ། །ཞེས་ཀུན་མཁྱེན་གོ་རམས་པའི་སྙོམས་འཇུག་རབ་གསལ་ལས་སོ། །
Domain	ཆོས་ལུགས།