43544

བསམ་གཏན་གྱི་སྙོམས་འཇུག་ཐོབ་ཚུལ་ (1)

Part of speech	མིང་ཚིག
Definition	ཐོབ་ཚུལ་ནི། རྣལ་འབྱོར་པ་རྣམས་ཀྱིས་དང་པོར་འདོད་པ་ལ་འདུན་པ་དང་། རྣམ་འཚེ་གཉིས་པོ་སྡུག་བསྔལ་གྱི་རྩ་བར་མཐོང་ནས་རྟོག་དཔྱོད་གཉིས་ཀྱིས་དེ་སྤོང་བ་ལ་ཞུགས་ཏེ་སྤངས་པའི་ཚེ་བསམ་གཏན་དང་པོའི་དངོས་གཞི་ཐོབ། དེའི་འོག་ཏུ་རྟོག་དཔྱོད་གཉིས་པོ་ཡང་སེམས་རྣམ་པར་དཀྲུགས་པར་བྱེད་པས་ཏིང་ངེ་འཛིན་གྱི་སྐྱོན་དུ་མཐོང་ནས་ནང་རབ་ཏུ་དྭངས་པས་དེ་སྤོང་བ་ལ་ཞུགས་ཏེ་སྤངས་པའི་ཚེ་བསམ་གཏན་གཉིས་པའི་དངོས་གཞི་ཐོབ། དེའི་འོག་ཏུ་དགའ་བ་ཡང་ཡིད་གཡོ་བར་བྱེད་པས་ཏིང་ངེ་འཛིན་གྱི་སྐྱོན་དུ་མཐོང་ནས་དྲན་ཤེས་བཞིན་བཏང་སྙོམས་གསུམ་གྱིས་དེ་སྤོང་བ་ལ་ཞུགས་ཏེ་སྤངས་པའི་ཚེ་བསམ་གཏན་གསུམ་པའི་དངོས་གཞི་ཐོབ། དེའི་འོག་ཏུ་བདེ་བ་ཡང་སེམས་ལ་འགྱུར་བ་བསྐྱེད་པར་བྱེད་པས་ཏིང་ངེ་འཛིན་གྱི་སྐྱོན་དུ་མཐོང་ནས་བཏང་སྙོམས་ཡོངས་དག་དང་། དྲན་པ་ཡོངས་དག་གིས་དེ་སྤོང་བ་ལ་ཞུགས་པས་སྤངས་པའི་ཚེ་བསམ་གཏན་བཞི་པའི་དངོས་གཞི་ཐོབ་བོ། །ཞེས་ཀུན་མཁྱེན་གོ་རམས་པའི་སྙོམས་འཇུག་རབ་གསལ་ལས་སོ། །
Domain	ཆོས་ལུགས།