43729

བསམ་མེད་ཀྱི་རྣལ་འབྱོར་ (1)

Part of speech	མིང་ཚིག
Definition	སྔགས། རྣལ་འབྱོར་བླ་མེད་རྒྱུད། དུས་འཁོར་སྦྱོར་དྲུག ཇོ་ནང་། སོར་སྡུད་སྐབས་ཀྱི་རྣལ་འབྱོར་བཞིའི་ཡ་གྱལ་ཞིག་སྟེ། མ་བསྒྲིམས་མ་ཀློད་དམིགས་གཏད་ཅན་གང་ཡང་མེད་པའི་དོན་ཏེ། དཔེ་ལྷ་ཁང་ལྡེར་བཟོ་ལྟ་བུ་ཞེས་པའི་སྐབས། ལྷ་ཁང་ནང་གི་ལྡེར་བཟོ་དེ། འདུག་ཚུལ་བཅས་ཤིང་ཞལ་འཛུམ་ཡང། མི་བསམ་བསམ་མེད་ཚུལ་དུ་འདུག ཅེས་ལབ་སྒྲོན་གསུང། དཔེ་དེ་བཞིན་དུ་བྱེད་བཅིངས་ལྟ་སྟངས་བཅས་ཀྱང། ཡིད་བྱེད་དང་རྩོལ་བ་ཅུང་ཟད་ཀྱང་མེད་པའི་དོན་ནོ། །བསམ་མེད་ཀྱི་རྣལ་འབྱོར་བྱ་བ་ནི། ས་ར་ཧས་ཀྱང། བསམ་དང་བསམ་བྱ་ཡོངས་སུ་སྤངས་ནས་སུ། །ཇི་ལྟར་བུ་ཆུང་ཚུལ་དུ་འདུག་པ་ཡིས། །བསྒྲིམས་ཏེ་བླ་མའི་ལུང་ལ་གུས་འབད་ན། །ལྷན་ཅིག་སྐྱེས་པ་འབྱུང་བར་ཐེ་ཚོམ་མེད། །ཅེས་གསུངས་ཏེ། གྲིམ་ལྷོད་དང་བྲལ་བ་བུ་ཆུང་བཙས་མ་ཐག་པ་ལྟ་བུའི་ཤེས་པ་སྟེ། བསམ་པ་རིག་པ་ནང་ན་འདུག་པ་དང། བསམ་བྱ་ཡུལ་ཕྱི་རོལ་ན་འདུག་པ་གང་ལའང་མི་སེམས་པའོ། །
Domain	ཆོས་ལུགས།