44068

བསྐལ་པ་དང་པོ་ལས་འགྲིབ་ཚུལ་ (1)

Part of speech	མིང་ཚིག
Definition	མདོ། མངོན་པ། དེ་ནས་རིམ་གྱིས་རོ་ལ་ཆགས་ཏེ། ཐོག་མར་སའི་བཅུད་ཁ་དོག་དམར་སེར། རོ་སྦྲང་རྩི་མ་བསྐོལ་བ་ལྟ་བུའི་རོ་སེམས་ཅན་བརྐམ་པའི་རང་བཞིན་ཅན་འགའ་ཞིག་གིས་མྱོང་ཞིང་ཟོས་པས་ཁམ་ཟས་ཀྱི་དང་པོ་བྱུང་ངོ་། །དེ་ལྟར་གཞན་གྱིས་ཀྱང་ཟོས་པས་ལུས་ལྕི་ཞིང་འོད་ནུབ་པ་དང་། ལྷའི་བུ་ཉི་མ་གཞལ་མེད་ཁང་ལ་ཞུགས་ནས་གླིང་བཞི་བསྐོར་བས་ཉི་མ་བྱུང་། དེ་ནུབ་པ་དང་ཟླ་བ་ཤར་བས་ད་ནང་གི་དེའི་ཟླ་བྱུང་ཞེས་གྲགས་སོ། །དེ་ནས་སའི་ཞག་དོང་ཀའི་མེ་ཏོག་ལྟ་བུ་བྱུང་སྟེ། དེ་ཡང་སྔ་མ་ལྟར་ཟད། དེ་ནས་མྱུ་གུའི་ཚལ་ཀ་དམ་པའི་མེ་ཏོག་ལྟ་བུ་བྱུང་སྟེ་ཡང་ཟད། དེ་ནས་མ་རྨོས་མ་བཏབ་པའི་འབྲས་སཱ་ལུ་ཕུབ་ཤུན་མེད་པ་བྱུང་སྟེ། ཟོས་པ་དང་། དེ་ཆེས་རགས་པས་རྒྱུ་མཐུན་གྱི་ལམ་གཉིས་དོད་ཅིང་། སྔོན་གོམས་པའི་དབང་གིས་ལོག་པར་ཞུགས་པ་ལ་གཞན་གྱིས་གནོད་པ་བསྐྱབ་པའི་ཕྱིར། ཁང་པ་བྱས་པས་ཁྱིམ་ཞེས་གྲག་གོ ། དེ་ཡང་འབྲས་སཱ་ལུ་ནང་ནུབ་ཟ་རེས་ཀྱིས་ལེན་ཅིང་། སླར་སྐྱེ་བ་ལ་ལེ་ལོ་ཅན་འགའ་ཞིག་གིས་གསོག་འཇོག་བྱས་ཤིང་། གཞན་གྱིས་ཀྱང་དེ་ལྟར་བྱས་པས་སཱ་ལུ་ཟད་དོ། །དེ་ནས་འཛིན་བཅས་རྣམས་ཀྱིས་ཞིང་ལ་ས་བོན་བཏབ་སྟེ། ཞིང་སོ་སོར་བགོས་ནས་བདག་ཏུ་འཛིན་པ་དང་བཅས་ཏེ་ས་བོན་བཏབ་པ་ལ་རྐུན་མ་སོགས་བྱུང་བས་དེར་སྐྱོ་ཞིང་ཡིད་ཕྱིར་ཕྱོགས་ཏེ་དགོན་པར་སོང་བས་བྲམ་ཟེ་བྱུང་། རྩོད་པ་མི་འབྱུང་བར་བྱ་བའི་ཕྱིར། མི་རྣམས་ཀྱིས་འདིའི་ཁྱད་པར་བློ་གཟུ་བོ་འགའ་ཞིག་ཞིང་དཔོན་དུ་བསྐོས་ཏེ། རང་རང་གི་སྟོན་ཐོག་དྲུག་ཆས་བསྟབས་པ་ནི་རྒྱལ་རིགས་སོ་ཞེས་ཀུན་མཁྱེན་གོ་རམས་པའི་ངོ་མཚར་སུམ་ལྡན་ལས་སོ། །
Domain	ཆོས་ལུགས།

{{#arraymap:བསྐལ་པ་དང་པོ་ལས་འགྲིབ་ཚུལ་

|; |@@@ | | }}