44152

བསྐོ་བའི་ལས་ (1)

Part of speech	མིང་ཚིག
Definition	མདོ། འདུལ་བ། བསྐོ་བའི་ལས་ནི་གྲངས་སོ་བཞིར་འཆད་དེ། གསང་སྟེ་སྟོན་པ་བསྐོ་བ་དང། ལྷུང་བཟེད་འབྲེལ་མེད་འབྲིམ་པ། གནས་ངན་ལེན་བརྗོད་པ། དགེ་སློང་མའི་སྟོན་པ། ནགས་ཉུལ་བ། སྤོང་བའི་ཞལ་ལྟ་བ། དགག་དབྱེ་བྱེད་པ། སྲ་རྐྱང་འདིང་བ། སྲ་རྐྱང་སྐྱོང་བ། གོས་འགྱེད་པ། དེ་སྦེད་པ། སྣོད་སྤྱད་སྒྲུབ་པ། དབྱར་གྱི་རས་ཆེན་འགྱེད་པ། དེ་སྦེད་པ། གནས་ཁང་ལ། ཟས་ལ། ཐུག་པ་འབྲིམ་པ། བག་ཚོས་འབྲིམ་པ། ཤིང་ཐོག་འབྲིམ་པ། པར་པུར་འབྲིམ་པ། དགེ་བསྐོས། མངགས་གཞུག་པ། ལྟུང་བ་གླེང་བ། ཆུའི་ཞལ་ལྟ་བ། མཛེས་ཆོས་པ། བང་རིམ་གྱི་ཞལ་ལྟ་བ། གནས་མལ་སྟོབ་པ། སྒེའུ་ཚང་བསྲུང་བ། རྩོད་པ་ཞི་བྱེད་ཀྱི་གཟུ་བོར་གནས་པ། དེ་ཞི་པ་ལ་གསལ་པ། གསལ་བའི་གསལ་བ། རྩོད་པ་སྦེད་པ་བསྐོ་བ། དགེ་འདུན་དབྱེ་ན་ཕྱོགས་མང་ཉུང་ཤེས་པའི་ཕྱིར་ཚུལ་ཤིང་འབྲིམ་པ་བསྐོ་བ་རྣམས་སོ། །དེ་དག་གང་ལ་བསྐོ་བར་བྱ་བའི་ཡུལ་ནི་ཁ་སྐོང་གི་ཆོས་དང་ལྡན་པ། སྤྲོ་བ་དྲིས་ཤིང་སྤྲོ་བ་སྦྱིན་པ། བསྐོས་པའི་བྱ་བ་ཐམས་ཅད་ལ་འདུན་པས་འགྲོ་བ་ལ་སོགས་པ་འགྲོ་བ་བཞིས་སྒོ་ནས་འགྲོ་བ་མ་ཡིན་པ། རྒྱུད་ཚོགས་སུ་མ་ཚང་བ་སྟེ། ཁྱད་ཆོས་བཞི་དང་ལྡན་པའོ། །ཚོགས་སུ་མ་ཚང་བ་ནི། དཔེར་ན་དགག་དབྱེ་བྱེད་པ་དང། གནས་མལ་སྟོབ་པ་བསྐོ་བ་ན་དུ་མ་དགོས་ཚེ། གསུམ་མན་ཆད་ལ་ཅིག་ཆར་རུང་གིས། བཞིར་ལོང་པ་ལ་མི་རུང་བ་ལྟ་བུས་ཤེས་སོ། །ཞེས་པཎ་ཆེན་ངག་ཆོས་ཀྱི་འདུལ་བའི་སྤྱི་དོན་ཐུབ་བསྟན་ཉིན་བྱེད་ལས་སོ། །
Domain	ཆོས་ལུགས།

{{#arraymap:བསྐོ་བའི་ལས་

|; |@@@ | | }}