4436

ཁྲག་འཐུང་རྩ་འཆམས་ཀྱི་དོན་ཚན་བཅུ་གསུམ་ (1)

Part of speech	མིང་ཚིག
Definition	༡ ཐོག་མར་རང་ལུས་ལ་བགེགས་ཀྱིས་མི་ཚུགས་པའི་ཕྱིར་ལྷའི་ང་རྒྱལ་གྱིས་བྱིན་གྱིས་བརླབས་པའི་ཆས་གོས་བགོ་ཞིང་ཕྱག་མཚན་བཟུང་། ༢ ལྷ་སྲིན་གྱི་ཟེར་མི་ལྡང་བའི་ཕྱིར་གསེར་སྐྱེམས་བསྔོ། ༣ གསང་སྒྲོགས་ཀྱི་ཉེས་པ་སྤང་བའི་ཕྱིར་སྣོད་བཅུད་དཀྱིལ་འཁོར་དུ་གསལ་བས་ལུས་འགྱུར་ཐུན་མོང་དུ་གཅེས་པའི་ཡན་ལག་བཅུ། ཕྱག་རྒྱ་ལ་མཁས་པ་གསུམ། ལུས་རྒྱན་དཔེ་གསུམ་དང་མཐུན་པའི་ཡོན་ཏན་དང་ལྡན་པས་དཀྱིལ་འཁོར་གྱི་ས་གཞིར་འགྲོ། ༤ རིགས་དང་མཐུན་པའི་རང་གནས་སུ་འདུག ༥ སློབ་དཔོན་འཁོར་ལོའི་མགོན་པོར་བསྐྱེད་ལ་གཞན་སྲས་ཀྱི་བྱ་བས་དཀྱིལ་འཁོར་རྫོགས་པར་སྤྲོས་ལ་བསྐུར་བརླབ་དྲང་བསྟིམ་མཆོད་བསྟོད་བྱ། ༦ ཕྱོགས་ཀྱི་སློབ་མ་རྣམས་རིགས་བཞིའི་ཡུམ་དུ་བྱིན་བརླབ། ༧ ཕྱོགས་བཞིའི་ཡུམ་གྱིས་མཆོད་བསྟོད་སྔོན་དུ་འགྲོ་བས་དཀྱིལ་འཁོར་བཤད་པར་གསོལ་བ་གདབ། ༨ སློབ་དཔོན་གྱིས་མཁའ་ཁྱབ་ཀྱི་རྒྱལ་བ་རྣམས་ཀྱི་ཐུགས་དམ་བསྐུལ། ༩ ཞེ་སྡང་རྡོ་རྗེའི་གར་གྱིས་བཀའ་བསྒོ་ཞིང་བགེགས་བསྐྲད། ༡༠ དཀྱིལ་འཁོར་ལྷའི་སྟངས་སྟབས་ཀྱིས་ས་བཟུང་བ་ལ། འཆམས་བསྐོར་གསུར་དང་ཆོས་དབྱིངས་བསྐྱེད། །དབང་སྡུད་མཁའ་འགྲོ་དཔའ་བསྐྱེད་དང་། །ཉམས་པའི་བླ་འགུགས་དམ་ཅན་འབོད། །ནམ་མཁའ་བར་སྣང་ས་གཞི་གསུམ། །འཁོར་ལོ་རྟགས་བརྒྱད་པདྨོར་བརླབ། །རྡོ་རྗེ་ཕྱེད་རྐྱང་སྔགས་གསུམ་གྱིས། །ས་བཙལ་འདུལ་ཞིང་རློབ་པའོ། །ཞེས་པ་ལྟར་སྔོན་འགྲོའི་སྟངས་སྟབས་བཅུ་གཉིས་ཀྱིས་སྤྱིར་རློབ། མཁའ་རླུང་རཀྟ་ཞིང་ཆེན་དང་། །ཀེང་རུས་མེ་དཀྱིལ་གཞལ་ཡས་ཁང་། །ཞེས་རྟེན་བསྐྱེད་པ་བདུན། །གཙོ་བོ་དང་ནི་རིགས་བཞི་དང་། །རིགས་ལྔའི་ཡུམ་དང་གོ་རཱི་བརྒྱད། །སིཾ་ཧ་མ་བརྒྱད་སྒོ་མ་བཞི། །དབང་ཕྱུག་མ་དང་ཕྲ་མེན་གྱི། །བམ་ལེན་དཔལ་ཆེན་སྟོབས་འཆམས་སོ། །ཞེས་པའི་ནང་ཚན་གཙོ་བོ་དཔལ་ཆེན་པོའི་འགྱིང་འཆམས་ནང་གསེས་དགུ་དང་བཅས་པས་བརྟེན་པ་བསྐྱེད་པ་སྟེ་དངོས་གཞི་སོ་སོའི་སྟབས་སྟབས་ཀྱིས་བྱེ་བྲག་ཏུ་བྱིན་བརླབ། ༡༡ ཕྱོགས་བཅུའི་བགེགས་ལ་ཕུར་བུས་གདབ། ༡༢ རྟག་ཆད་ཀྱི་མཐའ་བསལ། ༡༣ བསྔོ་སྨོན་དང་ཤིས་པ་བརྗོད་པས་མཐའ་བརྒྱན་པའོ། །
Domain	ཆོས་ལུགས།

{{#arraymap:ཁྲག་འཐུང་རྩ་འཆམས་ཀྱི་དོན་ཚན་བཅུ་གསུམ་

|; |@@@ | | }}